Kambotscha 2023
ETAPPE 01
SIEM REAP
SIEM REAP, WAS FÜRNE ORT! D STADT SÄUBER ISCH NÜT SPEZIEUS. E ORT WOME HET UFBOUE, UM I NORMALE ZITE DIE UNGLOUBLECHE MASSE AH TOURISTE CHÖNNE Z BEHERBERGÄ. DA IZE NACH COVID NO NI WAHNSINNIG VIU LOS ISCH, ISCHES DOCH GANZ RUHIG. SI SÄGE DAS AH NORMALE TÄG VOR COVID PRO TAG RUND 40'000 MÖNSCHE TOURE BUECHE. ZURZIT SIGES NUR 2000. DAHER HANI DOCH SEHR GLÜCK GHA MIT DR ZIT WONI HIE BI!
IM HOSTEL WONI BI AHCHO HANI GAD PAAR LÜT LEHRE KENNE, U BI DE MIT DENE AM NÄCHSTE MORGE FÜRE UFGSTANGE FÜRE SUNNEUFGANG IN ANGKOR WAT. AM 4RI ISCHES LOS GANGE. ZERSCH HETME MÜESSE ES TICKET GO CHOUFE. DAS ISCH DOCH TÜRER GSI AUSI HA DENKT. 37 DOLLAR FÜR EI TAG, FÜR 3 TÄG SIS 62 DOLLAR GSI. MERKWÜRDIG ISCH HIE GENEREU, DAS ME IMMER AUS IN DOLLAR CHA ZAHLE. D REAL SI ERSCH WIDR IM CHO. ISCH KOMISCH BIS IZE IMMER IDE IHHEIMISCHE WÄHRIGE ZAUT Z HA, U IZE IMMER WIDR AUS IN REAL UMRÄCHNE, DA SI EICH DOLLAR WEI U NI REAL. ABER IG HA NUME REAL VO DEMHER MUESES HAUT SI.
D TOUR HET ÜS DE ZUM IHDRÜCKLECHE TÄMPU VO ANGKOR WAT GFÜEHRT. ES SI RUND 4000 TÄMPLE, WO Z GROSSER ANGKOR RICH DAMAUS HET UFBOUE. DAS MIT UFENE FAZINIETRENDI ART U WIS, MIT UNGLOUBLECH SCHLAUE TECHNIKE. ES ISCH SCHO NUMÄ IHDRÜCKLECH, WEME SIEM REAP UF GOOGLE MAPS AHLUEGT. DIE GANZE RÄCHTEGGIGÄ STRUKTURE, AUSO WASSERGRÄBE UMD DIE TEMPLÄ, WO ZUMTEU 3 KILOMETER LÄNG SI. DAS IR PERFEKTE OST WEST USRICHTIG, DA FRAGMESECH SCHO WIE SI DAS I DERE ZIT GMACHT HEI. CHUNNTME DE IN ANGKOR WAT AH, ISCHME EIFACH BEIHDRUCK VO DERE GRÖSSI! GANZ KRASS WAS DIE DERT DENN HEI UFBOUE. Z BEIHDRUCKENDE ISCH NI NUR D GRÖSSI, SONDERN OH AU DIE VRZIERIGE WO ÜBER HUNDERTI VO METER GÖ. AM LIEBSTE MÖCHTME E ZITMASCHINE HA, ZRÜGG GA U LUEGE, WIE DAS DENN ZU MAU HET USGSEH, U WIE D MÖNSCHE DENN HEI GLÄBT. RUND E HAUBI MILLION MÖSCHE HEI AH ANGKORWAT GARBEITET. SI HEI UFENE FASZINIERENDI ART DIE RISE STEIBLÖCK MIT BAMBUSFLOSS ÜBERE FLUSS BIS DERT HERE TRANSPORTIERT, HEI DIE STEIBLÖCK SO GNAU BEARBEITET, DASME NO HÜT KE FUEGE ZWÜSCHE DE STEINE GSEHT. SO ÖPPIS WÄR HÜT SICHER NÜM MÜGLECH. NERE HEISI DE MITEM MEISSLE VODE GANZE VRZEIRIGE AHGFANGE. UNGLOUBLECH!
NACH ÖPPE 3 STUNG IN ANGKORWAT SIMER DE ZUM NÄCHSTE TÄMPU, WO FÜR MI NO IHDRÜCKLECHER ISCH GSI. I AUNE TÜR VRBERGE SECH GSICHTER VO BUDDHA.
DR NÄCHST ISCH DE WIDR EINE VO DE BEKANNTISTE GSI. DERT ISCH LARA CROFT DRÄIT WORDE. DS ISCH E VRWACHSNIGE TÄMPU. MEGA SCHÖN WIE DET D BÖIM MIT IHRNE WURZLE DÄ TÄMPU HEI IHGNO. AUS ABSCHLUSS ISCHES DE ZUMNE CHLINE TÄMPU GANGE, WO MR PRAKTISCH FÜR ÜS ALEI HEI GHA. DA DERT NO PRAKTISCH KENI RESTAURATIONE HEI STATT GFUNGE, HETSECHS CHLI AHGÜEUT, WIEME DÄ TÄMPU GADAM ENTDECKE ISCH GSI.
DIE TOUR ISCH DOCH SEHR AHSTRÄNGEND GSI. DAHER HEIMER AM NAMI NERE CHLI IM HOSTEL ENTSPANNT.
DA IG ES 3 TAGES TICKET HA GHA, HEI IG U E KOLLEGIN AM NÄCHSTE TAG ES TUC TUC GMIETET U HEI E WITERI TÄMPU TOUR GMACHT. INSGESAMMT 7 TÄMPLE HEIMER DE AH DEM TAG BSUECHT.
ES SI GUET ERHAUTENI TÄMPLE GSI, HET OH PAAR GHA WO PRAKTISCH NUME NO RUINÄ SI GSI. FASZINIEREND, ABER DOCH E SEHR HEISSE TAG GSI!
IG HAMI I DÄM BRICHT IZE ENTSCHIDE, NÜT ÜBER D GSCHICHT VOM ANGKOR RICH U DE GRÜND FÜR AU DIE ÜBER 4000 TÄMPLE Z VRZEUE. DA WÄRI EXTREM LANG AM SCHRIBE, MUES OH SEGE DASES SEHR KOMPLIZIERT ISCH DA SI IMMER WIDR D RELIGION HEI GWÄCHSLET ZWÜSCHE HINDUISMUS U BUDDHISMUS.
ABER E TEU WONI DE NO WETT UFGRIFE ISCH DÄ VOM KHMER CHRIEG. WAS D REGIERIG IDE 80ER JAHR IHREM EIGETE VOUK HET AHTA ISCH UNVORSTEUBAR. D REGIERIG HET WÖUE, DAS Z VOUK NUME US ARBEITER BESTEIT. DAS HEISST AUI SÖUE UF DE RISFÄUDER ARBEITE. INTELLEKTUELLI, AUSO LEHRER, ÄRTZT U SETTIGI SI VRVOUGT, GFANGEGNO WORDE U UF DE KILLING FIELDS ABGSCHLACHTET WORDE. BABYS VO DE INTELEKUELLE HEISI ADE FÜESS PACKT U MITEM CHOPF GÄGE BÖIM GSCHLAGE. CHING HEISI ZÄMEGSAMMLET U ZU CHINDERSOUDATE GMACHT, WENSI SE NI HEI TÖTET. DIE KILLING FIELDS WIRDI DE UF MIM LETSTE STOP IN PHNOM PENH GO AHLUEGE. MUES GANZ KRASS SI. RISIGIFÄUDER WO EIFACH SKELETT ZUR ÄRDE US CHÖME. ES ISCH SCHO WAHNSIINIG, WAS MÖNSCHE IHREM EIGETE VOUK CHÖI AHTUE. ÜSEM GUIDE SI VATER ISCH DENN UMBRACHT WORDE, U ÄR ISCH AUS CHINDERSOUDAT IHZOGE WORDE. DAHER HET ER OH SEHR VIU Z VRZEUE GHA. NÄBE DE GANZE TOURIFÜEHRIGE VRSUECHT ER IZE SINI TATE WIDR GUET Z MACHE. IR FREIZIT GEIT ER U PAAR KOLEGE MIT SIRE USRÜSTIG UF JAGT NACH MINÄ IM BODÄ. IMMER NO GITS RISIGI MINÄFÄUDER ÜBERAU IN KAMBOTSCHA. SO HEISI D HOFFNIG, DAS IRGENDWENN DAS LAND UME MINÄ FREI WIRD. DAS ISCH ABER NO E LANGE WÄG DRZUE.
SO ÄNDET MINI SEHR SPANNENDI ZIT IN SIEM REAP. IZE GEITS WITER MITEM SCHLAFBUS NACH KAMPOT U NERE NACH KOH RONG SANLOEM, E INSLE IM SÜDE, WO MEGA RUHIG ISCH U WUNDERBARS MEER ZUM SCHNORCHLE HET. HIE WIRDI MINI LETSTE TÄG IN KAMBOTSCH LA USKLING. GANZ AM SCHLUSS GEITS DE NO UF PHNOM PHEN U DE VO DERT ZÜRGG UF BANGKOK.
ETAPPE 02
INSULÄBÄ
NACHEMNE TRANSIT UFENTHAUT IN KAMPOT BINI DE DIREKT AM NÄCHSTE TAG WITER UFD INSLE. FÜR DAS BINI DE MITEM BUS UF SIHANOUKVILLE U NERE WITER MITEM BOOT UF KOH RONG SANLOEM. SIHANOUKVILLE ISCH SONE GROSSTADT MIT VIUNE HOCHHÜSER, ABER ES ISCH WIE USGSTORBE. VIU GEBÄUDE SI OH LÄR. ES SI HÜSER ZUM GÄUDWÄSCHE VO CHINESISCHE INVESTORE, MEISTENS ONLINE GAMBLING. SCHO KRASS WIEME GSEHT WIE CHINA I DE LÄNDER HIE IHGRIFFT U AUS VRÄNDERET. ÜBERAU SI CHINESISCHI INFRASTRUKTUR PROJEKT FÜRD SIDÄSTRASS UND WOHNPROJEKT WO ME ZUM GÄUDWÄSCHE DA. ÜBERAU HOUZE SI AUS AB UND BOUE KOMPLEXÄ WO LETSTÄNDLECH LÄÄR WÄRDE SI.
NACH ERE GMÜETLECHE REIS SIMER BINI DE IN SARACENBAY AHCHO, HA ABER USEFUNGE, DASI ZUM M'PAI BAY MUES. HA DE 4 STUNG DERT AM STRAND MÜESSE WARE. CHÖNNT ABER OH SCHLIMMER SI. HA DE E FRANZOS LERE KENNE U HAS MIT DÄM CHILLT WÜER Z GLICHE PROBLEM HET GHA. ES WITERS PROBLEM ISCH GSI, HA ERSCH UF DR INSLE GMERKT, DASME JA BARGÄUD BRUCHT UF DR INSLE U NI MIT CHARTE WIE VORHÄR IN SIEM REAP CHA ZHALE. ZUMGLÜCK GITS DAS SO LEBÄNDIGI BANKOUTOMATE WO DR GÄUT GÄBE UME ÜBERNES APP MIT KREDITCHARTE CHA ZAHLE.
IN M'PAI BAY AHCHO, HANI DE MR E WOUVRDIENE MANGOSMOOTHIE GÖNNT U CHLI ENTSPANNT. ES ISCH SCHO DUNKU GSI, SO DASI Z SCHNORCHLE UFE NÄCHST TAG HA VRLEIT. SO HANI DE NO RECHT LANG MIT PAARNE LÜT ZEME CHLI BRICHTET U BI DE MAU GO LIGE. AM NÄCHSTE MORGE DIREKT UFGSTANGE U DE GO SCHNORCHLE. DAS ISCH E ENTSPANNTE START GSI, Z SCHNORCHLE ISCH OH SEHR NICE GSI, MI HET SEHR VIU CHÖNNE GSE, Z WASSER ISCH MEGA KLAR GSI U HA DIREKT E OCTOPUS GSE! FÜR GENAU DA BINI UF DIE INSLE CHO. EIFACH DIE LETSE TAÄG NO AM STRAND U IM MEER SI, GANZ ENTSPANNT EIFACH GNIESSE U SUNNÄ TANKE. Z HOSTEL ISCH MEGA ENTSPANNT, SEHR GUETI LÜT U E SEHR SOZIALI STIMMIG.DIE EINZIGE AKTIVITÄTE WONI IDE ERSTE DRÜ TÄG HA GMACHT SI SMOOTHIE TRINKE, ESSE, SCHNORCHLE, SCHLAFE, REDÄ U EINISCH MAU AM ABE NO GO Z BIOLUMINISZIERENDE PLANKTON LUEGE.
Z SCHNORCHLE IM HOSTEL ISCH ZWAR GUET, ABER Z HOSTEL ISCH NI DIREKT AM STRAND, U DR STRAND IN MPAI BAY ISCH OH NI AUZU SCHÖN. NACH 3 TÄG BINI DE MIT ZÖINE FRANZOSE U ERE PORTUGISIN ZRÜG AH ANGER STRAND GANGE. WUNDERSCHÖN U SEHR LÄNG, HET BEREICHE WO CHLI MEH LOUFT, OH AM ABE, U BEREICHE WOME PRAKTISCH ALEI ISCH. MIR HEIS DE IM EINE HOSTEL CHILLT U HEI DI GANZ ZIT CHLI GÄSSE, TRUNKE U SI IMMER WIDR IS MEER. SO ISCH DOCH Z LEBE GANZ ENTSPANNT.
GEGE ABE SIMER DE DÜRE DSCHUNGU QUER ÜBERD INSLE ZUM SUNSET BEACH GLOFFE. WUNDERBARE STRAND, MEGA GUETI DRINKS E KOKUSNUSS U DR BEST SUNNEUNGERGANG UF DR GANZE REIS, AUSO SO DASES KITSCHIG ISCH. MEGA GUET! ÜSES GRÜPPLI HETS Z GANZE ZUESÄTZLECH NO UFGWÄRTET.
MIT WITERE ZUESÄTZLECHE 2 TÄG, EIFACH AM STRAND SI U SECH CHLI LA GA U SEHR VIU SUNNE HANI FÜR MI DR OPTIMAU ABSCHLUSS GFUNGE FÜR DIE REIS. I HA OH AHFA MERKE, DASI SO WIT BI, UM GLI WIDR MAU ZRÜGG ID SCHWIZ ZCHO. FÜR MI SEHR ES SCHÖNS GFÜEU, BI VORHÄRIGE REISE HANI VIU Z GFÜEU GHA, DASI NO LENGER MÖCHT REISE. IZE ISCH DAS ANGERS. IG BI WOU GSÄTTIGET VOM REISE U BEREIT ZUM HEICHO. HA OH AHFA SACHE VRMISSE. SACHE WIE GUETS BROT, MIS BETT U VORAUEM KENI SCHLAFSÄU ME, WC WO STANDARTMÄSSIG WCPAPIR HET, D FAMILY U KOLLEGE U VORAUEM D WG.
SO HANI UF DR INSLE MI ABSCHLUSS GFUNGE, BI DE MIT DE ZWÖI FRANZOSE NACH PHNOM PENH NO FÜR ZWÖI TÄG U HA UF MI RÜCKFLUG GWARTET. IN PHNOM PENH HANI NO ZWÖI TASKS GHA. EINERSITZ HANI MINI WÖSCH MÜESSE MACHE, WETT NI MIT AUEM DÄM SANG HEICHO. Z ANGERE ISCH DR USFLUG UFD KILLING FIELD U Z FOUTERGFÄNGNISS IR STADT.
MITEM TUC TUC ISCHES DE ZERSCH ZUDE KILLING FIELD GANGE.
ES ISCH SCHO FASZINIEREND, WIE KREATIV MÖNSCHE CHÖI SI WES DRUMM GEIT MÜGLECHST VIU MÖNSCHE Z VRNICHTE. RISIGI FÄUDER VOU MIT MASSEGREBER. WES RÄGNET WÄREDE IMMER WIDR CHNOCHE, CHLEIDER, SCHÄDLE U ZÄHN USEM BODE GSPÜEUT. DA SI AUI MIT STUMPFÄ GÄGESTÄNG HET UMBRACHT, HEI EINIGI IM GRAB NO GLÄBT, SO HETME EIFACH E CHEMIKALIE DRÜBER GSPREIT, WO EM GSTANK ENTGEGEWÜRKT U DIE NO LÄBIGE UMBRINGT.
Z GFÄNGNISS ISCH GENAU SO SCHOKIEREND GSI, AU DIE FOUTERMETHODE U DIE ZUESTÄNG.
FINGES SCHONO HEFTIG DAS ME DIE GSCHICHT, UND OH DR CHRIEG IN LAOS, IR SCHWIZ NI MAU EINISCH THEMATISIERT HET. AM AHBE BINI DE NO AM KOLEG GO ZUELUEGE WO AMNE POKER TURNIER IM GROSSE CASION HET TEIL GNO. ER HET RÄCH GUET GSPIUT U ES CHLISES SACKGÄUT BECHO. E ANGERE WO MIT ÜS DA ISCH GSI, DÄ WOHNT SCHO LENGER IN KAMBOTSCHA, HET ABER SEHR VIU VRLORE. HETSECH EIFACH GAR NÜM GSPÜRRT. WEIS OH NI WASER IZE MACHT, DA ER AUS SIS REISEGÄUT VRSPIUT HET.
IZE ISCH ABER FERTIG, D REIS GEIT LOS. ZERSCH GEITS IZE UF BANGKOK, WONI PAAR STUNG MUES WARTE U NERE ÜBER DOHA UF ATHEN. HAMER DENKT DASI MI ZERSCH MAU NO CHLI MUES AHKLIMATISIERE, DERT ISCHES SCHO WARM, HA E GRATIS WOHNIG, AUSO SEHR GUETI VORUSSETZIGE. VILICH GITS JA OHNO MAU CHLI STRAND, WÄR WEIS.
SO NE KNAPPI WUCHE WIRDI IZE EUE NO DERT VRBINGE U MACHE MI DE UFE WÄG ZRÜGG ID SCHWIZ.