ETAPPE 01
BOCAS DEL TORRO
AM MORGE ISCHES LOSGANGE. I STRÖMENDEM RÄGE AB AD GRENZE. DERT HEIMER ES WAHRS WIRRWAR ERLEBT, HEI ZU VRSCHIDNIGE HÜSER MÜESSE, UM BI JEDEM HUS E ANGERE STÄMPU ODER ES ANGERS FORMULAR GO Z HOLE. NERE ISCHES AB AD KÜSTE GANGE, WOMER NERE UFENES CHLISES BOOT SI GANGE. VO DERT AB UF BOCAS. IM HOSTEL AHCHO, HANI MIS ZÜGS IS ZIMMER GSCHOSSE, U BI CHLI DÜRD STADT GANGE. HA NERE GAD MIS OPEN WATER BUECHET. AUSO FANI MORN AHFA TOUCHE. DAS HEISST HINECH MUESI ZIMLECH VIU LESE, DASI MORN IS WASSER CHA. BI GSPANNT.
ETAPPE 02
ERSTE TOUCHGANG
NACH DEM VILE LEHRE GESTR, HANI HÜT AM MORGE NO 2 VIDEOS MÜESSE LUEGE. NERE HEIMER Z TOUCHEQUITMENT PARAT GMACHT U SI UFS BOOT. NERE HETS DE SCHO GHEISSE, AHLEGE U AB IS WASSER. DE SIMER UFE MEERESGRUND ABGSUNKE U SI DERT AM BODE CHLI UMEGHOCKET. DERT HEIMER VRSCHIDNIGI ÜEBIGE GMACHT WIE D MASKE ABNE U WIDR AHLEGE U ZWASSER US DR MASKE NE, Z MUNDSTÜCK USENE, ES ZITLI OHNI MUNDSTÜCK VRBRINGE U NERE WIDR IS MU NE U SO. NACH DENE ÜEBIGE SIMER DE CHLI GO UMESCHWÜMME. HA SCHO 2 HAIE, 2 ROCHE U MEHEREI FÜRFISCHE GSE. NERE WOMER WIDR SI UFTOUCHT, HETS DE ZMITTAG GÄ. AM NAMI SIMER UFENE CHURZE TOUCHGANG GANGE,HA NERE ABER D THEORYPRÜEFIG GMACHT U DR SCHWÜMMTEST. NACH DEM BINI CHLI IS HOSTEL GO CHILLE. AM ABE BINI MIT DR KOLEGIN VOR SPRACHSCHUEU IN TAMARINDO NO GO ZNACHT ESSE. MORN GITS 3 TOUCHGÄNG. I FREUE MI.
ETAPPE 03
HÜT MORGE HANI MINI THEROY FERTIG GMACHT, DAS HEISST AM NAMI GITS NO ZWÖI TOUCHGÄNG. MORN BRUCHI NO EINE, U NERE HANI MIS OPENWATER. HA IZE ABER ENTSCHLOSSE, DASI MIS ADVANCED OPENWATER OHNO GAD MACHE. MIT DEM CHANI BIS ZURE TÖIFI VO 30 METER TOUCHE. DAS HEISST I CHA NERE PRAKTISCH ÜBERAU GA TOUCHE. ISCH HIE ZIMLECH GÜNSTIG ZUM MACHE, DAS NID SAISON ISCH. MI GSEHT OH RECHT VIU. HA HÜT WIDR HAIE U ROCHE GSE, ZIMLECH VIU SEESTERNE, CHRÄBSE U WUNDERSCHÖNI KORRAUE, WOS EXTREM VIU FISCHE HET. HÜT SIMER ZUMNE BOOTSFRACK ABGSTIGE. MORN GITS 3 WITERI TOUCHGÄNG U AM ZITSIG OHNO, EINE DRVO WIRD NERE IR NACHT SI. FREUE MI RISIG DRUF.
DIVING
ETAPPE 04
WITERI TOUCHGÄNG
HÜT MORGE HANI MITEM ERSTE TOUCHGANG MIS OPENWATERABGSCHLOSSE. AM NAMI HETS NERE 2 WITERI GÄ. SI UNGLOUBLECH COOL GSI. BIM EINTE SIMER ZUMNE VRSUNKENE KATAMARAN GANGE. DERT HEIMER UNGER DÜRE CHÖNNE TOUCHE U NERE SIMR NO DRI INE. HEI UNGLOUBLECH VIU VRSCHIDNIGI TIER GSE. EI GROSSE HAI LEBT I DEM KATAMARAN, ISCH NO SO GFÜRCHIG GSI
ETAPPE 05
CHLINI ENTÜSCHIG
HÜT WERE 3 WITERI TOUCHGÄNG AHGSEIT GSI, ZUM ABSCHLIESSE VO MIM ADVANCED. EINE I 30-40 METER TÖIFI, EIN NORMALE U EI NIGHTDIVE. ABER SCHO BIM ERSTE,WOMR SI ABEGANGE, HET MIS LINGE OHR DRDRUCKUSGLICH UF 5METER SCHO NÜMM MITGMACHT. DA HANI DR DIVE MÜESSE ABBRECHE. WOMER AD OBERFLÄCHI SI CHO, ISCHMR SCHNEU EXTREM STURM WORDE. SI HEI GSEIT DAS SIG MÄNGISCH NORMAU. MIR HEI IZE AUS UF MORN NAMI VRSCHOBE, MAU LUEGE WIES DENN GEIT. HOFFE ES GEIT DE WIDR
ETAPPE 06
AB ID TÖIFI
HÜT NAMI ISCHES ZUM NECHSTE VRSUECH GANGE. AM AHFANG HETS WIDR NI WÖUE KLAPPE, ABER PLÖTZLECH HET DR DRUCKUSGLICH KLAPPET. NERE SIMER BIS UF 35 METER TÖIFI GANGE. DERT UNGER HEIMER PAAR ÜEBIGE GMACHT WIE FARBE ERKENNE, ZEICHNE U MATHUFGABE, ZUM ZEIGE WIE Z HIRN I DERE TÖIFI FUNKTIONIER. UFEM WEG DERT ABE HETS EXTREM VIU QUAUE GHA, BI ÖPPE VO 15 QUAUE GNESSLET WORDE. SI ABER NISOSCHLIMM GSI. NERE HETS E CHLINI POUSE GÄ U DE HEIMER NO E ZWÖITE BIMNE RIFF GMACHT. DERT HEIMER ÖPPE 6GROSSI MANTATÜFUSROCHE GSE. ISCH EXTREM IHDRÜCKLECH GSI. DÜRD DIE VILE QUAUE HEIMER ABER BESCHLOSSE, DR NIGHTDIVE UF FRITIG ABE Z VRSCHIEBE. FREUE MI EXTREM UF DE.