ETAPPE 01
MANADO
M SUMMER 2019 ISCHES MITEM SEVÄ DR GIANNA U DR NINA VIA DOHA NACH JAKARTA GANGE. DERT HEIMER MAU GLUEGT, WOMER IZE EIGENTLÄCH HÄRÄ WEI. MIR HEINIS DE ENTSCHIDE, E FLUG NACH MANADO Z NÄ. DAS ISCH GANZ IM NORDÄ VO SULAWESI. DERT AHCHO SIMER INES HOTÄU. SOMIT SIMER Z ERSTÄ MAU RICHTIG KONFRONTIERT WORDE MIT DERÄ WÄUT. MIR HEI ZIMLÄCH SCHNÄU GMERKT, DASES NI VIU TOURISTÄ GIT HIE. GANZ VORAUEM NID WISSI. DEMENTSPRECHEND ISCHMÄ OH AHGSTARRT WORDE. ZERSCH ISCHES GAD CHLI UNHEIMLÄCH GSI, MIR HEI NISO GWÜSST, WIED LÜT REAGIERÄ. ABER WOSI NERE AUI HEI FOTOS MIT ÜS WÖUE MACHE HEIMER IHRI BEGEISTERIG LEHRÄ KENNÄ. SEVÄ U IG HEI DU NO AM ERSTE ABE D STADT LÄR TRUNKÄ.
ETAPPE 02
BUNAKEN ISLANDS
VRHANGET U VRPENNT HEIMER ÜS AM NÄCHSTE TAG UFE WÄG NACH BUNAKEN GMACHT. DAS ISCH E CHLINI INSUGRUPPE E STUNG WÄG DRVO. DERT AHCHO HEIMER SCHNÄU GMERKT, DASES ES DORF MIT ÖPPE 2 HOSTEL GIT UF DERÄ INSLÄ. TROUMHAFT SCHÖN. SO SIMER IM ERSTE GAD IHCHEGGT U SI NERE GO D INSLÄ ERKUNDÄ. HEI NERE DER ABE AR STRANDBAR LA USKLINGÄ. DI NÄCHSTÄ TÄG SI Ä MISCHIG US BADE U EIFACH D RUÄ GNIESSE GSI. EINISCH HANI NÄRÄ MI ERST TOUCHGANG IN SULAWESI GMACHT. DÄ HETS INSÄCH GHA! SCHO BIM SCHNORCHLÄ GSEHTMÄ WAHNSINNIG VIU TIER!. OH SEHR VIU SCHIUDCHRÖT. RUND 30 METER WEG VOM STRAND GEITS Z KORAUERIFF SÄNKRÄCHT ABE UF 40 METER. GENAU A DERÄ WANG TOUCHSCH ABE. Z COOLÄ ISCH, DERT HETS Ä RÄCHT STARCHI STRÖMIG. ÖPPÄ SO WIE IR AARÄ. SPRICH MI SOUCHT ABE U LAHTSÄCH DERE WANG LA ENTLANGTRIBÄ. RUND UM DI SI RUND 30 SCHIUDKRÖT, ROCHÄ HEIÄ U NO VIU ME. D FARBÄ VODÄ KORAUE SI HAAR GENAU SO WIE I DOKUFIUMÄ. HÄTT NI DÄNKT DASMÄ SOÖPPIS NO CHA GSEH UF DR WÄUT!
ETAPPE 03
VOUPACKT MIT ERSTÄ ERFAHRIGÄ HEIMER ÜS UFE WÄG NACH GORONTALO GMACHT. DERT SIMER Z ERSTÄ MAU RICHTIG MIT DR MUSLIMISCHÄ WÄUT KONFRONTIERT WORDÄ. SI SI SO STRICKT GSI, DAS D FROUE IM NÄ ANGERÄ HOTÄUFLÜGU SI UNGERBRACHT WORDÄ. GORONTALO ISCH SO WIES SCHINT Ä STADT WO KE TOURISMUS GSEHT. MIR SI NUR EIGENTLÄCH I DERÄ STADT GSI, FÜR DASMR NERE UFD FÄHRÄ CHÖI FÜR UFD TOGGEAN INSLÄNÄ. FÜR DAS HEIMER AM MORGÄ FRÜECH MÜESSÄ FSTA, FÜR DASMR BEQUEMÄ PLATZ UF DR FÄHRÄ CHÖI BUECHE. ES HET GHEISSÄ, DASS WEMER FRÜECH DERT SI, U MITEMNÄ TUC-TUC FAHRER GÖ, CHÖIMER E KABINÄ VOMNÄ ARBEITER UFEM SCHIFF BUECHE, WÜU DIE VRMIÄTÄ SE UNGER DR HANG. AUSO HEIMER DAS GMACHT U SI MITÄM TUC-TUC AH HAFE GFAHRÄ. LEIDER ISCHES DU NÜT WORDÄ U MIR HEI D USWAU ZWÜSCHE EMNÄ PLATZ DUSSÄ UFEM DACH, E PLATZ IR HOUZKLASS WORT WÖRTLÄCH U EIM IMNÄ RUUM MIT GROSSÄ POUSTÄRÄTÄ MATRAZÄ. MIR HEI D HOUZKLASS GNO, DE HEIMER CHÖNNE SPARÄ. ISCH E MEGA ERFAHRIG GSI, EIFACH NÄRÄ DERT UMÄ ZLOUFÄ. SI UFENE HOGER UFE, U NERE DÜRD DÖRFER ZRÜGG GLOFFE. CHUM 5 MINUTÄ GANGE, NERE ISCH Z HAUBE DORF UM EIM GSTANGÄ. AUI HEI FOTOS WÖUE MACHE. D CHING SI MEGA HÄRZIG GSI. MIR HEI NÄRÄ BIMNÄ HUS UF E KOKUSBOUM ZEIGT, U AHDÜTET OBMR EINI CHÖI HA WÜUMR DURSCHT HEI. SI HEI ÜS IH IHREM GÄRTLI ES BÄNKLI HERE GSTEUT, HEI ÜS KOKUSNÜSS U ZÄSSÄ GÄ. RÄCHT SCHNÄU SIS RUND 30 LÜT GSI WO SECH UM ÜS HEI VRSAMMLÄT. NACHÄMNÄ ZITLI HEIMER ÜS NÄRÄ VRABSCHIDÄT U SI WITÄR GLOFFÄ. IM NÄCHSTÄ DORF ISCH Z GLICHÄ GSI. ES HÄRZIGS GROSSI HET ÜS ZU IHRERE FAMILIÄ ZOGE U NERE HEISI ÜS GÜÄZI GÄ. D LÜT SI SEHR NÄT U NÖIGIERIG. ZERSCH SISI FASCH CHLI IHGSCHÜCHTERET U TROUÄ IHRNÄ OUGÄ NI RÄCHT. SOBAU MÄ SÄ AHLÄCHLÄT U WINKT ODER HALLO SEIT, TOUÄ SI GAD UF U SI SEHR NÖIGIERIG.
GORONTALO
ETAPPE 04
AHREIS TOGGEAN ISLANDS
GÄGÄ ABE SIMER NÄRE RICHTIG HAFÄ GFAHRÄ U NO GO ZNACHTÄSSÄ. MIR HEI NI RÄCHT GWÜSST GHA WIE DASES UF TOGGEAN SO LOUFT. ES EHEPAAR UF BUNAKEN HET ÜS GSEIT MIR MÜESSE UNBEDINGT GNUÄ GÄUT MITNÄ, WÜUS DERT KE BANKAUTOMAT GIT. SO HEIMER DAS GMACHT. ABER MIR HEIS NI Z STANG BRACHT GNUE USEZLA, WÜU VIU OUTOMATE SI LÄR GSI. MIR HEI NO DENN IM RESTAURANT ÜBERS INTERNET BUECHÄT. ABER JA UF TOGGEAN LOUFT D WÄUT ANGERS. SO SIMER UFT FÄHRÄ U SI NO CHLI UFS DACH GO SI. D FÄHRÄ HET SEHR SCHNÄU SEHR AHFA SCHWANKÄ. HET RÄCHT GWINDET. NERE SIMER ABE GO LIGÄ. ISCH IMMER HIN U HÄR GSCHWANKT. MIR SI EIFACH UFEMNÄ HOUZBRÄT GLÄGÄ. Z SCHWANKÄ DERT ISCH ABER ERTRÄGLÄCH GSI. VILICH WÜUS SOGSEIT DUSSE ISCH. D FAMILIÄ RUND UMÄ HEISECH RICHTIG WOHNLÄCH IHGRICHTÄT. WITZIGERWIS SI DIE LÜT WO IM ABTRENNTÄ RUM UF DÄ POUSTÄRÄTÄ MATRATZENE GO CHISÄ. MIR HEI GMERKT DASMR E WISI ENTSCHEIDIG TROFFÄ HEI MIT DR HOUZKLASS. ISCH E COOLI ERFAHRIG GSI. ISCH OH 12 STUNG GANGÄ. AM MORGE SIMER AHCHO. DERT HETS NUR ES CHLISÄS DÖRFLI GHA MIT IHHEIMISCHÄ. AM HAFÄ ISCHMÄ VO LÜT VOM HOTÄU ABGHOUT WORDÄ. JE NACH HOTÄU HESCH NÄRÄ RUND 4 STUNG UFEMNÄ BOOT MÜESSE WITERFAHRÄ. SI MEHRERI CHLINI INSLÄ. ZUMTEU NUR 1-3 HOTÄUS PRO INSLÄ. DARUM HETMÄ UFDÄ INSLÄ OH KE INTERNET U TELEFON U JE NACH DEM STROM. MIR SI IS BLUE MARLIN DIVING RESORT. BI ÜS ISCHES ESO GSI, DASMR STROM HEI GHA DÜRE TAG. FLIESSENDS WASSER HEIMER E STUNG AM MORGÄ U EINI AM ABE GHA. ES HET I JEDÄRÄ TUSCHI E GROSSE CHÜBU WASSER GHA WOMER DÜR DIE 2 STUNG SÖU UFFÜUE. MIT DÄM WASSER HESCH CHÖNNÄ DUSCHÄ U Z WC SPÜÄLÄ, WEDÄ DAS NI UF DIE BEIDÄ STUNGE HESCH BESCHRÄNKT. RÄCHT SCHNÄU HEIMER MIT ZWÖINÄ FRANZOSE BEKANNTSCHAFT GMACHT.
ETAPPE 05
REIS BIS UF POSO
NERE ISCHES WITER GANGE RICHTIG AMPANA. MIR HEI AUS NÄCHSTS ZIU TORAJA IR REGION RANTEPAO DEFINIERT. FÜR DAS HEIMER WIDR AS FESTLAND MÜESSE. MIR HEI ES SCHNÄUBOOT GNO WO 1 STUNG HET DURÄT. IN AMPANA ACHO SIMER INES KAFI GANGE WO ÜS ISCH EMPFOLE WORDE. WOMER MITEM TUC-TUC SI AHCHO, SIMER VO GSCHOCKTE BLICKE EMPFANGE WORDE. ISCH ZERSCH SEHR SPEZIEU GSI MITDE LÜT, ABER SI NERE MEGA UFTOUT. HEI ÜS SOGAR ES KAFI SPÄNDIERT. MIR HEI NERE EINE GFRAGT OBER ÜS CHA ES TAXI ORGANISIERE FÜR UF POSO. HETIM AHGLÜTE U GSEIT ER CHÖM SO SCHNEU DAS GÖNG. ER MÜESSI NUR NO DUSCHE, 2 STUNG SPETER ISCHER IMMER NO AM DUSCHÄ GSI. I DERE ZIT HEIMER Z INTERNET MAU USGNÜTZT U HEI WIDR MAU KONTAKT MIT DR USSEWÄUT GHA. IRGENDWENN ISCHES DE LOS GANGE. ES NORMAUS OUTO ISCH VORGFAHRE. E TYP CHUNNT ÜSI TÄSCHÄ CHO HOLE U BINGTSE UFS DACH. BIM IHSTIGE HANI PLÖTZLECH GMERKT, DASS NO E FROU MIT EMNÄ CHING HINGER INNE HOCKET. OH WES EICH NUR E 5-PLÄTZER ISCH GSI. AUSO FAHRE MR LOS RICHTIG POSO. UNGERWEGS BIEGT ER PLÖTZLECH AB U MIR FAHRE IRGENDWO UFS LAND USE. DERT HAUTET ER AH. IZE STIGT NO E WITERI FROU MITEMNE CHING IH. IZE SISI SCHO Z VIERT IM KOFFERERUM GHOCKET. HIE BEGINNT D FAHRT NACH POSO ERSCH. ES ISCH AR KÜSTE ENTLANG GANGE. ISCH E SEHR KÜRVELIGI STRASS MIT VIUNE SCHLAGLÖCHER GSI. DIE EINZIGI REGLÄ WOS FÜRE FAHRER HET GÄ ISCH HUPÄ VOR JEDERÄ KURVE. MIR SI UF DERE STRASS SCHÖN MITEM SUNNEUNGERGANG GFAHRÄ. NACHEMNÄ ZITLI HETER BIMNE RESTAURANT AHGHAUTÄ. DER HESCH USEMNÄ CHÜBU CHÖNNE ES FISCHTEILI USLÄSÄ U NERE HEISI DRS ZUEBEREITET. NACHEM ESSE ISCH D FAHRT WITER GANGÄ. PLÖTZLECH HAUTET ER ABRUPT AH. UF DR GLICHE SPUR FAHRT ER ÖPPE 500 METER RÜCKWÄRTS. AUI HEISECH GFRAGT WISO. PLÖTZLECH ISCH DR FAU ABER KLAR GSI. ES STIGT NO ÖPPER WITERS HINGER IH KOFFERERUM. OH WEMERIM HEI AHBOTE, BI ÜS VORE Z HOCKE. ER HET DAS NI WÖUE. DR RESPÄCKT ISCH EUE Z GROSS GSI. SO SIMER IRGENDWENN HEIL IN POSO BI ÜSEM HOTÄU AHCHO. DERT SIMER FROH GSI, HEIMER WIDR MAU E AHSTÄNDIGI DUSCHI U ES GUETS BETT.
ETAPPE 06
TORRAJA
AM NÄCHSTÄ TAG HEIMER GNUE ZIT GHA, CHLI IR STADT UMEZLOUFE U GÄUT U ESSE FÜRE NÄCHST TEU VOR REIS Z CHOUFE. GÄGÄ ABE HEIMER AM BUSBAHNHOF MÜESSE SI. PLÖTZLECH FAHRT E CHLINÄ SCHÄBIGÄ BUS VOR. DR BODE ISCH VOU GSI MIT RISSECK, D PLÄTZ AUI BSETZT. HINGER AM BUS HANGE I JUTÄSECK LÄBIGI HÜENER. IM BUS HANI NI NORMAU CHÖNNE HOCKE. D ABSTÄNG ZWÜSCHE DE PLÄTZ SI Z CHLI GSI FÜR MINI BEI. DIE GUET 14 STÜNDIGI FAHRT ISCH DEMENSPRÄCHENT OH ES ABENTÜR GSI. UNGERWEGS BINI UFGWACHET U HA GMERKT DAS DR BUS E PANNE HET. ABER NIX ISCH PASSIERT. IRGENDWENN SIMER DOCH IN TORAJA AHCHO.
IN TORAJA HEIMERÜS BIMNÄ HOTÄU LA ABSETZÄ. SI HEI NO ES PLÄTZLI FREI GHA FÜR ÜS. ISCH RÄCHT COOL GSI, DA MR IZE NO DR GANZ TAG VOR ÜS HEI GHA. MIR HEI DERT IM HOTÄU NÄRÄ ROLLER GMIETET. ÜS HET D KULTUR DER SEHR WUNGERGNO. MIR HEI ERFAHRE ÜBER IHRI BEÄRDIGUNGSRITUAU. ISCH DOCH E RÄCHT SPEZIEUI ZEREMONIE. ES HET GHEISSE MIR MÜESSTE MITEMNE GUIDE GA. MIR SI ABER EIFACH UFE ROLLER GSTIGE U SI MAU LOSGFAHRE. A WUNDERSCHÖNE RISFÄUDER U DÖRFER MIT DR TRADITIONEUÄ ARCHITEKTUR. ES SI DIE TONGKONAN HÜSER WU ÜS HEI WUNGER GNO A DERE REGION. IR SCHUEU HEIMER RÄCHT VIU ÜBER DIE SCHO DÖRFE ERFAHRÄ. SO SIMER UFD SUECHI NACH DENE GANGE U SI DOCH RÄCHT SCHNÄU AH CHLINI SIDLIGÄ VRBIGFAHRE WO VOU MIT DENE SI GSI.
ETAPPE 07
TO BE CONTINUED
-