ETAPPE 01
AB UF MANAGUA
HÜT ISCH E SEHR ERREIGNISSLOSE TAG GSI.
AM MORGE ISCHS VO LAS VEGAS UF DALLAS GANGE.
Z LAS VEGAS AM FLUGHAFE HANI NATÜRLECH NO CHLI MÜESSE ZOCKE.
NERE VO DALLAS OHNI PROBLEM WITER UF MANAGUA. SO WIES VO OBE HET USGSE BESTEIT DR GROSSTEU VOM LAND NUR US WAUD.
I BI GSPANNT!
IZE GNIESSI DR ABE IM HOTÄU U MORN GEITS WITER UF LEON.
DERT HANI Z HOSTEL POCO A POCO BUECHET.
ES ERSTS FAZIT CHANI AHFANG ZIE.
KOMMUNIKATION WIRD NISO EIFACH HIE...
ETAPPE 02
LEON
AM MORGE ISCHES MITEM TAXI VO MANAGUA NACH LEON GANGE. DIREKT IS HOSTEL. DS HETMR E ERSTE IHBLICK I DIE WÄUT HIE GE. VORAUEM WIE NETT DIE LOKALE LÜT HIE SI. DR TAXIFAHRER HET MR OHNI DASI IH HA DRFÜR GFRAGT, SINI LIEBLINGS SPOTS IN MANAGUA ZEIGT. U NERE UNGERWEGS HETR IMMER WIDR AHGHAUTE FÜR MR SUPPER USBLICKE ÜBERE SEE U D VUUKÄN Z ZEIGE. PLÖTZLECH HETR AHGHAUTE U MR SINI LIEBLINGS BIER KOUFT. ER HETMR DIE UNBEDINGT WÖUE ZEIGE. IZE BINI IM HOSTEL POCO A POCO. SO VIU IG BIS IZE CHA SEGE ISCHS ES SUPPER HOSTEL MIT VIUNE BACKPACKER. HA NERE SCHNEU Z FUESS E CHLINI TOUR DÜR LEON GMACHT. IZE GITS DE E TOUR VOM HOSTEL US DÜR LEON MIT CHLI INFOS ZUR STADT U DRINKS U LOKAUS ESSE. BI GSPANNT.
ES ISCH E EXTREM GUETI ERFAHRIG GSI DIE TOUR WOMR GMACHT HEI. VOM HOSTEL US HEISI FÜR ÜS E USFLUG ORGANISIERT, WOMER UFENE HÜGU UFE SI. DERT OBE HETS E AUTE BUNKER USEM BÜRGERCHRIEG GHA. ZERSCH HEIMER E WIUKOMENSERFRÜSCHIG BECHO I FORM VO RUM. NERE HET DR ANRY, ÜSE TOURGUIDE ÜS VOR GSCHICHT VO NICARAGUA VRZEUT. WIE D INDIANER VO MEXICO US SI UF NICARAGUA CHO U HEI NACH WASSER GSUECHT. SPETER SI D SPANIER CHO U HEI D MACHT MIT EXTREMER GWAUT AHSICH GRISSE. D LÜT HEISECH DAS NI LA GFAUE U HEI MIT DR ZIT AHFA ZRÜGGSCHLA. NERE ISCH DIE GANZI GSCHICHT NOMAU PASSIERT MIT DE AMIS. DR ANRY HET DAS ABER NISO GMACHT WIE E NORMALE TOURIFÜERER, ER HET RICHTIG LEBE I DIE GSCHICHT BRACHT U HET ÜS AUI I DAS INVOLWIERT. DRZUE HETS ZIMLEVH VIU BIER GE. WONER AUS VRZEUT HET GAH HEIMER AUI ZEME DR SUNNEUNGERGANG MIT BIER U RUM GNOSSE. SI HEI NERE ES GROSSES FÜR GMACHT U CHERZE UFGSTEUT WO E RICHTIG GUETI STIMMIG HEI BRACHT. ISCH SO COOL GSI SO VIU VOM HOSTEL UF DIE ART U WIS LEHRE Z KENE. NERE HEISI ÜS LOKALE GRICHT BRACHT WO SEHR FEIN SI GSI. NACH DEM U PAAR SEHR SPANNENDE KONVERSATIONE MIT AUNE HEIMER ES SPIU MITERE MÜNZE GSPIUT WO ZUM TEU NERE SEHR WITZIGI ABER OH IMTIMI FRAGE SI GSTEUT WORDE. MIR HEIS SOO LUSTIG GHA WEREND DEM SPIU. GEGE SCHLUSS HETER ÜS GSEIT, IZE LIGET DIR HIE EIFACH CHLI HERE LUEGT I EXTRAM SCHÖN STERNEHIMU U ÜBERLEGET WONECH Z LEBE HEREFÜEHRT. ISCH ZIMLECH TÖIFGRÜNDIG WORDE. ER HET OH VRZEUT, DASS ER E UNGLOUBLECH SCHLIMME TÖFFUNFAU HET GHA WO D ÄRTZT ZERSCH HEU DENKT DASRS NI ÜBERLEBT. UP SIT DEM ISCHER VOU MIT POSITIVER ENERGIE. LEB EIFACH DIS LEBE JEDE TAG FÜR SICH. GNIES JEDI SEKUNDE WÜUS DINI LETSTI CHA SI. ER HET GSEIT, DAS WO Z LEBE USMACHT ISCH DAS WOMER IZE HIE GAD HEI. SUPPER LÜT, I DEMFAU HETER GSEIT DASES HAUT ANGERS ISCH OBDE MIT NORMALE TOURIS ODER WIE MIT ÜS BACKPACKERS UNGERWEGS BISCH, LEHER KENE U EIFACH D ZIT MIT AUNE GNIESSE U Z LEBE FIRE. DAS ISCH WONI SO BI DERT GLEGE MR EXTREM DÜRE CHOPF GANGE. SO WIE IG Z LEBE IR SCHWIZ KENE, LEBT ME ZWAR SIS EIGETE LEBE. MI HET AUS U ES GEIT EIM GUET. ABER IG FÜR MI MUES SEGE MI LEBTS NI WÜRKLECH BEWUSST. DAS ISCH EINE VODE GRÜND GSI WÜRUM IG DIE REIS MACHE. DIE LÜT HIE, DIE LEBE WÜRKLECH EIFACH IR GEGEWART. IR SCHWITZ LEBTME MIRE MEINIG NACH IR U FÜRD ZUEKUNFT. AU DIE FRAGE WAS MACHSCH IZE AUS NECHSTS, WIE WIRDS SPETR SI NACHEM ARBEITSLEBE BLABLABLA. DAS ISCH DE LÜT HIE TOTAU EGAU. Z WICHTIGSTE ISCH DAS DU JEDE TAG UF DINI EIGETI ART CHASCH GNIESSE, FIRE U MIT DE LÜT ZEME SI WODE LIEBSCH. NICARAGUA ISCH EIS VODE ÄRMSTE LÄNDER IN ZENTRAU AMERIKA, WENN NI VOR WÄUT. ABER DIE LÜT HIE SI SO VIU GLÜCKLECHER AUS MIRS SI, SO WIES IG GSE. DS ISCH DIE POSTIVI ENERGIE WO IG HIE SO CHA GNIESSE U IG SO VIU WIE MÜGLECH WETT CHÖNNE HEINE. DS ISCH E EXTREME POSITIVE ABE GSI FÜR ÜS AUI U EUE DR BEST START FÜR MI I MIS NICARAGUA ABENTÜR SO WIE IG MRS NI HA CHÖNNE VORSTEUE. NACH EIM ABE ISCHME SCHO SEHR VRTROUT GSI MITENANG U ES FÜEUT SECH AH AUS WÜRD ME SECH SCHO SO LANG KENE.
WOMER WIDR SI ABEM HOGER ABE CHO SIMER AUI ZEME INE BAR GO AHSTOSE U EIFACH CHLI GO FIRE. DA SI NO VIU VO SINE KOLEGE CHO U MIR HEI EIFACH AUI ZEME UFS LEBE AHGSTOSSE.
IZE GEITS AB IS HOSTEL U AB IS BETT.
ETAPPE 03
HÜT HETS E FULE MORGE GÄ.
EIFACH CHLI GSCHLAFE U IR HÄNGEMATTE CHILLT.
SPETR BINI MITEMNE KOLEG IS REVOLUTIONSMUSEUM GANGE. DA HEIMER NOMAU CHLI ME ÜBER D REVOLUTION IN NICARAGUA ERFAHRE.
WIE ICH AUNE LÄNDR HIE ISCH Z VORBIUD DR CHE GUEVARA GSI. BI NERE SEUBER NO CHLI DÜRD STADT GLOFFE.
DIE STADT LEBT RICHTIG.
AUNE ORTE MUSIK U LÜT WO D ZIT EIFACH MIT DR FAMILIE UFEM HOUPTPLATZ VRBRINGE.
ISCH E SUPPER STIMMIG HIE.
IZE MUESI MR DE GO FLEISCH U SO CHOUFE.
HINECH GITS ES GROSSES BBQ IM HOSTEL.
EBEFAUS HANI HÜT NO MINI TOUR UFE CERRO NEGRO BUECHET WONI CHA GO VOLCANO BOARDE.
DAS MACHI MITERE NON PROFIT ORGANISATION,WO AU IHRE GWINN I LOKALI PROJEKT WIE SCHUEUPROJEKT U HIUF FÜR DIE ARME HIE SPENDE.
BI GSPANNT WIES WIRD.
VIU IM HOSTEL HEIMERS SEHR EMPFOLE.
MI SÖU EIFACH NI Z SCHNEU BOARDE,
WÜU WES DI DRABSCHLEUDERET, DE JA CHAS SCHMERZHAFT WERDE.
Z BBQ ISCH SO LUSTIG GSI. AUI VOM HOSTEL HEI MITGMACHT.
SO VIU VRSCHIDNIG NATIONE SI VRTRETE HIE..
VO EUROPA, USA U ZENTRAUAMERIKA. MI HET SO E GUETI ZIT AUI ZEME. MIR HEI AUS UFE GRILL GSCHOSSE WOMER HEI CHÖNNE FINGE EGAU OB FLEISCH, FISCH, GMÜES ODER FRÜCHT.AUS ISCH DRUFF GHEIT WORDE U NERE HETS JEDE EIFACH CHÖNNE NE.
MORN GEITS FRÜE UF FÜR UFE CERRO NEGRO.
DAS ISCH DR JÜNGST VUUKAN IN NICARAGUA.
CHLI IR STADT UMEZIGÜNERE
ETAPPE 04
CERRO NEGRO
HÜT MORGE FRÜE SIMER LOSGFAHRE ZUM CERRO NEGRO.
AM FUES VOM VUUKAN SIMER AHGHAUTET U SI Z FUES WITER.
ZUMTEU ISCHES ECHT STEIL OBSI GANGE ABER ISCH NISO SCHLIMM GSI. DR USBLICK HET AUS WIDR GUET GMACHT.
GWINDET HETS EXTREM STARCH DOBE.
JE NACH DEM WIEDE Z HOUZBRETT HESCH GHA, HETS EIM FASCH FURTGWINDET.
NERE HEIMER DIE VRSCHIDNIGE ROUCHENDÄ KRÄTER VOM CERRO NEGRO AHGLUEGT U D WÄRMI CHÖNNE GSPÜRE WO ER USSTRAUT.
DR BODE ISCH ZIMLECH HEISS.
NERE HETS GHEISSE D OVERALLS AHLEGE U SCHO ISCHS LOSGANGE.
I BI DE HANG IRE UNGLOUBLECHE GSCHWINDIGKEIT ABECHO.
CHAS NUR WITEREMPFÄHLE DAS Z MACHE.
ISCH EXTRAM LUSTIG.
NERE SIMER UFENE CHLINI FARM WOS GMÜES TORTILLAS HET GÄ.
DIE SI SO GUET GSI!
ETAPPE 05
BEACH DAY
HÜT ISCH CHLINE LAZY DAY GSI.
HA DR MORGE IM HOSTEL VRBRACHT.
AM NAMI BINI MIT MIM NEUE KOLEG US BROOKLYN, NEW YORK NACH LAS PEÑITAS AH STRAND GANGE.
WEME IM WASSER ISCH GSI U Z WASSER DR BIS ZUR HÜFT USCH CHO, HETME GMEINT ES CHUNNT E ZUNAMI UF DI ZUE. DIE WÄUE SI ÖPPE 2.5 MAU GRÖSER GSI AUS IG.
ZUM HERE GA HEIMER Z TAXI GNO.
ISCH E HAUBSTUNG GANGE U HEI PRO PERSON 4 DOLLAR ZAUT.
BIM ZRÜGG GA HEIMER NERE DR ÖFFENTLECH BUS GNO DAS HET ÜS PRO PERSON 15 CORDOBA AUSO UMGRECHNET 0,5 DOLLAR GCHOSTET. ES ISCH AUSO EXTREM BIUIG ZUM REISE.
BI NERE WOMER SI HEICHO SIMER IR STADT ÖPPIS GO ESSE U ZRUG IS HOSTEL. DERT HEIMER Z 11T ES EXTREM WITZIGS CHARTESPIU GSPIUT U HEI D ZIT KOMPLET VRGESSE.
PLÖTZLECH ISCH 11 GSI. SOMIT HET MI LETST TAG IN LEON AHGFANGE.
Z HOSTEL IN GRANADA HANI HÜT MORGE OHNO BUECHET U HA USEGFUNGE DAS DR KOLEG US BROOKLYN OH I DAS GEIT U ZWÖI KOLEGE US NEUSEELAND EBEFAUS.
DAS HEISST MIR CHÖI ÜBERMORN AUI ZEME DERT HEREGA.
WIRD E SUPPER ZIT.
ETAPPE 06
LAST DAY IN LEON
DR LETST TAG HANIS ZIMLECH GMÜETLECH GNO NOMAU.
HA DR MORGE MIT PAARNE IM HOSTEL VRBRACHT. HEI BANANEBROT GMACHT U SPIU GSPIUT.
AM NAMI HANI NO MAU E CHLINI TOUR DÜRD STADT GMACHT U MINI WITERREIS NACH GRANADA ORGANISIERT.
NERE SIMER Z VIERT GO ZNACHTESSE U IZE GEITS DE NO MIT ZIMLECH AUNE VOM HOSTEL INE BAR IR NÖCHI WOS LIVEMUSIK HET.
WIRD E GUETE ABSCHLUSS FÜR LEON.
MORN MORGE AM 9I GEITS NERE LOS UF GRANADA. BI SEHR GSPANNT WIES DERT WIRD. SO WIES BIS IZE VO VIUNE TÖNT HET SIGS SUPPER DERT U MI CHA SEHR VIU UNGERNE.
MITEM HÜTIGE ABE GEIT EBEFAUS DIE ZWÖITI WUCHE VO MIRE REIS Z END.
BIS IZE ZIENI E EXTREM POSITIVI BILANZ. HOFFE DIE NECHSTE 9 WUCHE WERDE GLICH ODER NO BESSER, WE DAS MÜGLECH ISCH.
FAZIT ZU LEON:
ISCH E SUPPER STADT.
MI CHA SEHR VIU MACHE HIE U EBEFAUS VIU ÜBERD GSCHICHT UD KULTUR VO NICARAGUA LEHRE HIE.
ISCH OH EINE VODE USGANGSPÜNKT VO SÄMTLECHE GRÖSERE KONFLIKTE I DEM LAND.
CHA DIE STADT U VORAUEM ZHOSTEL POCO A POCO WÜRKLECH NUR WITEREMPFÄLE!
ISCH ES SEHR GMÜETLECH RUHIGS HOSTEL WO VOMNE HOLLÄNDISCHE PÄRLI GFÜEHRT WIRD.
ISCH SEHR SUBER U D LÜT WO DA HERECHÖME SI GANZ ZFRIDNIGI BACKPACKERS.
MITEM PRIS-LEISTIGSVRHÄUTNIS BINI SEHR Z FRIDE. HA IZE PRO NACHT 7 DOLLAR ZAUT U ES WIRD DR EIGENTLECH IMMER ÖPPIS BOTE.
ETAPPE 07
GRANADA
HÜT MORGE ISCHES MITEM SHUTTLE NACH GRANADA. MIR HEI ÖPPE 2.5 STUNG GHA.
WITZIGERWIS SIMER ZIMLECH VIU VO ÜSEM HOSTEL US LEON GSI.
DIE SI IZE AUI OH IM BOCA EN BOCA HOSTEL.
WIRD AUSO E LUSTIGI ZIT.
HEI NERE MIT PAARNE WO SCHO GESTR SI NACH GRANADA GREITST CHLI DÜRD STADT GLOFE U ÖPPIS GO ESSE.
BIS IZE GFAUT MR LEON VIU BESSER, DAS HIE SEHR TOURISTISCH ISCH U ME ZIMLECH MUES UFPASSE DASI EIM Z GÄUT NI ZUR HOSE USZIE.
SI HEI ÜS OH VOR GWÜSSE VIERTU GWARNT, WOME AM ABE JA NI HERE SÖU.
Z HOSTEL ISCH ABER SEHR GUET. NACHEM ESSE SIMER ÜBERE GROSS MÄRIT GLOFFE.
ISCH ZIMLECH INTRESSANT GSI. GSEHT FASCH CHLI US WIE UF BIUDER VO INDISCHE MÄRKT.
AM ABE HETS GHEISSE AB ID BAR.
ES ISCH KARAOKE NIGHT. HET ZWAR NERE IWIE NI FUNKTIONIERT ABER ISCH SO E LUSTIGE ABE GSI.
MINI REISEPLÄN HEISECH AH DEM ABE OH GENDERET.
IZE HEISSTS AM SAMSTIG AB UF SAN JUAN DEL SUR FÜR DASMR AM SUNNTI READY SI FÜR SUNDAY FUNDAY. DAS ISCH E BARTOUR WO BIS IZE JEDE WO DERT ISCH GSI DRVO HET GSCHWÄRMT.
BI GSPANNT!
ETAPPE 08
INSU-HÜPFE
HÜTS SIMER AM MORGE AUI RECHT VRKATERET ZUM LAGO COCIBOLCA, DE GHÖRT ZUDE 12 GRÖSTE SEEÄ VOR WÄUT, GANGE U HEI DERT ES BOOT GMIETET.NERE SIMER SÜDLECH AR KÜSTE ENTLANG ABEGFAHRE. DER AR KÜSTE HETS 360 CHLINI INSELI MIT ZUMTEU RISIGE VILLENE DRUF ABER OH INSELI WO EIFACH NUR NATUR DRUF ISCH U VIU AFFE. HEIS SEHR LUSTIG GHA. SI NERE BIRE INSLE AHGHAUTE WO ES RESTAURANT ISCH DRUFF GSI. DERT HEIME KOKUSNÜS MIT EM NE SCHUSS RUM GHA. DRZUE HETS PLATAINS GÄ. DAS SI BRÄTLETI ODER FRITIERTI CHOCHBANANE. EBEFAUS DERT SIMER DE CHLI I SEE GO BADE. DR ADEMOLA, MI KOLEG US BROOKLYN, DE CHA NI SCHWÜMME. AUSO HEIMERIM IM SEE CHLI SCHWÜMMUNGERRICHT GE. WASMER ISCH UFGFAUE ISCH, SI SEGE ZWAR, DR SEE VO MANAGUA SIG VRSCHMUTZT, DA SÖUME NI GO BADE. ABER DE SEE ISCH ÖMU DERT AR KÜSTE OH EXTREM VRSCHMUTZT GSI. VIU LÜT WÄSCHE IRI CHLEIDER DERT DRINN ODER SICH SEUBER. ÜBERAU SI PLASTIGABFÄU U MI GSEHT PAAR TOTI FISCHE DERT I DEM SEE. VIU LÜT TRINKE ABER US DEM SEE. IG WÜRD MR EUE GAD E VRGIFTIG HOLE DERT, WENI WÜRD DRUS TRINKE.
MI DÜECHTS GAD VORAUEM HIE IN GRANADA U Z MANAGUA, DASMES ZIMLECH DÜTLECH GSEHT, DASS DAS HIE ES SEHR ARMS LAND ISCH. ABER DAS CHUNNT NI VO EIFACH SO. WIE HAUT I VIUNE LÄNDER ISCHES DÜR KORRUPTION U SEUBSTBERRICHERIG VO EINZELNE MÄCHTIGE DRZUECHO. WEME BEDENKT DAS NICARAGUA LANGI ZIT EIS VODE RICHERE LÄNDER IN ZENTRAU U SÜDAMERIKA ISCH GSI, ISCH DAS SCHO ZIMLECH BEDENKLECH. SI SI SOGAR RICHER GSI AUS COSTA RICA ODER PANAMAS HÜT SI. DAS ISCH VOM VILE GOLD CHO WOSI NO HÜT HEI. ABER Z.B. DR PRÄSIDENT, WO ZU ZITE VOM BILL CLINTON HET REGIERT, HET ZIMLECH AUS IHGSTECKT. ER ISCH SOGAR SO SCHAMLOS GSI, DASER BIM RISIGE HURRICAN VO 1998, WO UNGEFÄHR 30'000 PERSONE SI GSTORBE, SÄMTLECHS GÄUT ZUM WIDRUFBOU, WOSI VO AMERIKA HEI BECHO, IHGSTECKT HET.
VO WITEM HEIMER ABER SCHO DENN GSE, DAS E RISE GWITTERFRONT UF ÜS ZUECHUNNT. DENN HETS NERE GHEISSE ZRUGG AS FESTLAND.
SI NERE IR STADT NO GONES FRUCHTSMOOTHIE TRINKE U SI CHLI DÜRD STADT GLOFE U ZRUGG IS HOSTEL.
NACH DEM BINI SCHNEU ALLEI CHLI DÜRD STADT GIRRT, UM MINI AHMÄUDIG FÜRD FACHHOCHSCHUEU ABZSCHIKE. WONI D POSTSTEU HA GFUNGE, HANI GMERKT DASI WITZIGERWIS I DERE POSTSTEU KENI COUVERTS HEI. AUSO BINI ZUM NE LADE GANGE WOME CHA CHOUFE. ISCH JA KLAR GSI DAS DE GAD NEBE MIM HOSTEL ISCH. DAS WER JA NISO SCHLIMM, ISCH ÖPPE 15 MIN LOUFE. ABER HIE ISCH DAS HAUT IMMER MIT EXTREMEM SCHWITZE VRBUNGE. ISCH SO EXTREM TÜPPIGS WETTER HIE. NERE BINI WIDR ZRÜG ZUR POST GANGE DR BRIEF GO ABSCHICKE. BI GSPANNT, WIE LANG DASER WÜRKLECH HET. SI HEI GSEIT 3 WUCHE. HINECH WIRDS E GMÜETLECHE ABE GE. VILICH WAS GO ESSE U SO. ABER NI AUZU LANG.
ETAPPE 09
AM CHRÄNKELE
HÜT MORGE SIMER AUI ZEME CHLI CHRANK UFGWACHET. HA HUESTE BECHO U E LOUFENDI NASE. DRZUE DUETMR AUS GAD CHLI WEH. HEI DARUM GSEIT, DASMER WIDR E TAG IM HOSTEL VRBRINGE. CHLI GSUNG WERDE, DA MR AM SUNNTI DE WEI MÖGE. GEIT MR IZE AM ABE ÖMU SCHO WIDR BESSER. CHA HIE SEHR VIU SCHO WIDR GUET MACHE I DEM DASME DR GANZ TAG EIFACH FRÜCHT ISST U SMOOTHIES TRINKT. U DIE SIE HIE ÜBERAU WÄUTKLAS. MORN GEITS NERE AB UF SAN JUAN DEL SUR. MIR AUI SI EICH FROH DASMR IZE WITER CHÖI. GRANADA HET ÜS WENIGER GFAUE AUS LEON U Z MIR HEI OH ME VOM HOSTEL ERWARTET. ISCH VIU Z CHLI FÜR DIE AHZAU AH PERSONE WOSI HIE UNGERBRINGE. U ES ISCH ZUMTEU ZIMLECH DRÄCKIG U LUT. IG HA ZWAR BIS AM MÄNDIG BUECHET ABER DAS SÖU NI ZUM PROBLEM WERDE. ZUDEM ISCH Z WETTER IN GRANADA GENG CHLI ES PROBLEM. DÜRE GROSS SEE HETS SIS EIGETE KLIMA. REGNET MOMENTAN JEDE TAG ZIMLECH VIU, WAS Z TAGESPROGRAMM OH SEHR BEIFLUSST. IN LEON HEIMER NIE REGE GHA U HIE HEIMER GLÜCK GHA WES NI REGNET. ZERSCH BINI NO FROH GSI UME REGE WÜUI HA DENKT, ES SIG NACHEM REGE NERE WENIGER TÜPPIG. FAUSCH DENKT. ISCH UMSO TÜPPIGER. MI WIRD SEICHNASS OHSCHO NUR WEME IM LIGISTUEU ODER IR HÄNGEMATTE LIGT U DAS IM SCHÄRME. DAHER FREUE MIR ÜS IZE FÜR WITER Z GA.
FAZIT ZUR STADT GRANADA U ZUM HOSTEL:
FÜR DAS GÄUT VO 10 DOLLAR FINGT ME IN GRANADA DÜTLECH BESSERI U SCHÖNERI HOSTELS. I WEIS OH NI WISO SO VIU VO DEM HOSTEL HEI GSCHWÄRMT. ZUR STADT CHANI SEGE DASMESE NACH 2 - 3 TÄG GSEH HET. ISCH NI E WAHNSINNIG SUBERI U PFLEGTI STADT. GIT PAAR PROBLEMVIERTU WOME OH DÜRE TAG MUES MIDE U Z.B. Z GANZE GEBIET AM SEE UNGER SÖTTME NI AM ABE BSUESCHE. PAAR VOM HOSTEL SI GESTR GAD USGNO WORDE. SI HEI VO BEWAFFNETE GRED WOSE ÜBERFAUE HEI. MI CHA ABER TROTZDEM VIU SPASS HA VORAUEM AM ABE IDE BARS. WASME AUS TOURIST HIE OH MUES UFPASSE ISCH DASDI D GSCHÄFT U RESTAURANT NI USNEME. ZUMTEU HEISI VO TOURISTE ABSURD HÖCHI PRISE VRLANGT WO Z.B. UF DR SPISCHARTE 3 MAU WENIGER STEIT. EBEFAUS GÖ EIM HIE DIE LOKALE STRASSEVRCHÖIFER UFD NERVE. WEME IM NE RESTAURANT HOCKET CHÖME SEHR VIU U WEI DR ÖPPIS AHDREIE. EGAU OB CHING ODER EUTERI U SIGS OH MUR BLUEMENE US BANANEBLETTER. U DAS NERVT MIT DR ZIT ZIMLECH WEDI AU PAAR MINUTE WIDR EINE FRAGT OBDE WAS WOSCH CHOUFE. EBBEFAUS KOMISCH ISCH, DAS GWÜSSI RESTAURANT TAX VRLANGE U GWÜSSI NI. IN LEON HEIMER DAS NI GHA. MIR HEI Z GFÜEU DAS DAS NUR E USRED ISCH UM ME GÄUD Z BECHO VODE TOURIS. WEME BEDENKT DASI VIUNE ORTE 15% SI ISCHES SCHONO ZIMLECH VIU.
Z ERLEBNISS IN GRANADA ISCH ABER NI NUR NEGATIV. MI CHA VIU UNGERNE HIE WIE UFE SEE ODER ZUM MASSAYA ODER ZUR LAGUNA APOYO. ISCH ABER EHER WETTERBEDINGT. DAHER SÖTTME DIE STADT VILICH NI IR REGEZIT SONDERN EHER IM SUMMER (BI ÜS WINTER) BSUECHE.
ETAPPE 10
AB UF SAN JUAN DEL SUR
HÜT MORGE ISCHS UF AB UF SAN JUAN DEL SUR GNAGE. DR BUS ISCH ISCH EXTREM VOUGSTOPFT GSI. ISCH ABER SEHR WITZIG WORDE. HET OH NUR 1 DOLLAR KOSTET. WOMER SI AHCHO HEIMER GMERKT DAS Z HOSTEL ES HUERE PARTYHOSTEL ISCH.
WIRD JA WITZIG.
WOMER SI AHCHO ISCHMR ABER NISO GUET GANGE. HA ZIMLECH ERHÖTI TEMPARATUR GHA. MAU LUEGE WIES MORN DE USGSEHT. HINECH WIRD FÜR MI UF JEDEFAU NISO STEIL. Z HOSTEL ISCH ZWAR SEHR LUT, ABER WIRD SICHER LUSTIG.
ETAPPE 11
D NACHT UFE SUNNTI ISCH SCHLIMM GSI. IG HA NUR CHLI WÖUE PFUSE DA IG NISO HA MÖGE U IH HÜT HA WÖUE FIT SI. ABER I DEM HOSTEL HEISI DIE GANZI NACHT DÜRE PARTY GHA SO WIE SCHINS JEDE TAG. AM 4RI AM MORGE HEIMERSE BETTE, NÜMME SO LUT VOR ÜSEM ZIMMER Z SI, WAS OH NISO VIU HET BRACHT. WOMER DE ENTLECH SI UFGSTANGE HEIMER GSEIT OKEI MIR WECHSLE AH STRABD ABE INES RUHIGS HOSTEL. DE SIMER DERT GO ZMORGE ESSE U DIE SI AUI SCHO WIDR AM SUFE GSI. MIR HEI DUNGER IR STADT NERE ES SUPPER HOSTEL GFUNGE. NERE HETS GHEISSE PARAT MACHE FÜRE SUNDAY FUNDAY. DAS ISCH E HOSTEL CRAWL WOME AM 1 HET AHGANGE. MI ISCH ZERSCH IMNE HOSTEL IR STADT, NERE GEITME INES HOSTEL AM STRAND U NERE NO I EIS IDE HÜGLE OBE. ISCH HUERE LUSTIG GSI U MIR HEI E SUPER ZIT GHA. HEI AM DEMO SOGAR NOMAU SCHWÜMMLEKTIONE GÄ. IM ZWÖITE HOSTEL HANI PER ZUEFAU E KOLEGIN US BERN TROFFE. MIR HEIS FASCH NI CHÖNNE GLOUBE. NACH DENE 3 HOSTELS ISCHES NERE NO ANE PARTY AM STRAND GANGE. ISCH E SEHR WITZIGE AHLASS. IZE WEISI WISO DAS AUI HIE GENG ÜBER DAS GRED HEI.
SUNDAY FUNDAY
ETAPPE 12
HANGOVER @
SAN JUAN DEL SUR
ES ISCH ES WITZIGS UFWACHE GSI. AUI HEI DIE GLICHE PROBLEM GHA U SI GLICH FU GSI. HEI NERE IM HOSTEL Z MORGE GMACHT U JA HEIS AM MORGE CHLI DERT CHILLET.
GEGE NAMI SIMER AH STRAND GO LIGE. HEI DERT CHLI DIE RISE WÄUENE GNOSSE. HEI DERT DR GANZ NAMI VRBRACHT BISMER HEI GSEIT MIR GÖ GO DUSCHE U NERE WAS GO Z ESSE SUECHE.
HEI ÜS AUI NERE WIDR IM NE STRANDRESTAURANT TROFFE. WOMER DR ABE HEI LA USKLINGE. IZEGEITS WITER UFD INSLE OMETEPE. DIE LIGT IM NICARAGUASEE.
FAZIT ZU SAN JUAN DEL SUR:
WEME GERN PARTY HET DIE GANZI ZIT DE ISCHME HIE RICHTIG. HIE FINGSCH HOSTELS WODE VO MÄNDI BIS SUNNTI UNUNGERBROCHE PARTY HESCH. IG EMPFILE ABER EHER ES RUIGERS HOSTEL Z BUECHE U NERE AM SUNNTI GO FIRE. SUNDAY FUNDAY ISCH ZWAR CHLI TÜR. ABER MI HET UF JEDE FAU E GUETI ZIT HIE.
ETAPPE 13
OMETEPE
HÜT ISCHS AB UFD ISLA OMETEPE GANGE. ZERSCH HETS NO ZMORGE IM HOSTEL GÄ. NERE HETS GHEISSE ZEMEPACKE UND AB UFE BUS NACH RIVAS. HA EBEFAUS ENTSCHIDE DAS ISLA OMETEPE MI LETST STOP IN NICARAGUA WIRD SI. NERE GEITS AB UF COSTA RICA.
VO RIVAS US ISCHES NERE MITEM TAXI UF SAN JORGE GANGE WOMER NERE UF FÄHRE GÖ. D TAXIFAHRT ISCH ABENTÜRLECH GSI. ÜSI RUCKSÄCK SI Z SCHWER FÜRS OUTO GSI. AUSO HANI ZERSCH MAU MÜESSE Z OUTO AHSTOSSE. ISCH ABR NERE ZIMLECH GUET GANGE. AM HAFE ISCHS ZIMLECH UNÜBERSICHTLECH GSI U JEDE WOMER FÜR INFOS HEI GFRAGT HET ÜS ANGERS ZÜGS VRZEUT.
ES HET DU NERE GHEISSE DAS D FÄRE AM 14.30 ABFAHRT. ÜSI TICKETS SI FÜR DIE FÄHRE GSI. WOS DU ENDLECH SO WIT ISCH GSI UMER UFD FÄHRE HEI WÖUE HETS PLÖTZLECH GHEISSE, ES SI SCHO 300 LÜT DRUFF, MIR MÜESSE ÜSI TICKETS GO UMTUSCHE FÜR DIE AM 4RI. HEIMER HAUT DAS GMACHT U HEI WITER GWARTET. WOMER ENTLECH UF DAS BOOT HEI CHÖNNE HETS EXTREM AHFA WINDE U REGNE. DEMENTSPRECHEND AHGNÄHM ISCH D ÜBERFAHRT UFD INSLE OH GSI. UF DR INSLE AHCHO SIMER UF MARKT GO GMÜES, RIS U FLEISCH CHOUFE U SI NERE MITEM TAXI ZU ÜSEM AIRBNB GANGE. LISCH ES RECHT GROSSES HUS WOMER MIETE. DAS CHÖIMER ÜS LEISTE WÜU HÜT SIMER 6 PERSONE WO AHFANG DERT HERE GÖ U MORN CHHÖME DE NO ÜSI 2 NEUSEELÄNDISCHE KOLEGE ZU ÜS CHO WOHNE. HINECH GITS ES FRIDLECHS FESTMAU MIT ÜSERER „BACKPACKER FAMILY“. MIR SI EI SCHWIZER, ZWÖI DÜTSCHI, 2 HOLLÄNDERINNE, EI AMI U EBE NO DIE 2 NÖISEELÄNDER. WAS SEHR COOL ISCH I ÜSEM HUS, ES HET EXTEEM VIU FRÜCHT IM GARTE. VO KOKUSNÜSS ÜBER MANGO U PASSIONSFRÜCHT BIS ZU BANANE. HA NATÜRLECH GAD MINI FLÄSCHE RUM ZÜCKT U MR E KOKUSNUSS GÖNNT. DR ABE HEIMER MIT PAAR CHARTESPIU LA USKLINGE. SI AUI OH ZIMLECH KABUTT GSI. ABER MIR SI SEHR FROH DASMR DAS HUS HEI GNO. DIE WO DRZUE LUEGE SI EXTREM FRÜNDLECH. IZE SIMER GSPANNT WAS ÜS DIE NECHSTE TÄG SO ERWARTET.
ETAPPE 14
KAYAKTOUR
HÜT HETS GHEISSE USSCHLAFE.
IG U DR DEMO SI NERE UFGSTANGE U HEI FÜR AUI PASSIONSFRUCHTSMOOTHIES MIT FRÜSCHE PASSIONSFRÜCHT U KOKUSWASSER U BANANE GMACHT. DIE ANGERE SI NERE UFGSTANGE U HEI RÜEREI U TOAST GMACHT. BI NERE WIDR IS ZIMMER U HA VOR MIM FENSTER E ZIMLECH GROSSI TARANTLE GHA. DIE ISCH ZIMLECH SCHÜCH GSI U ISCH GAD WIDR DRVO GANGE. HIE HETS AUGEMEIN EXTREM VIU TIER. VO GECKOS ÜBER VIU VÖGU BIS ZU EXTREM VIU INSEKTE. AM ABE WES DUNKU ISCH UME Z LIECHT AHTDREIT SCHWIRE HUNDERTI VO SCHWARZE CHÄFER UME. DIE SCHLÖ KOMISCHER WIS AUI SO HERT UFEM WISSE PLATTEBODE UF, SO DASI GAD STRERBE. DR WISS PLATTEBODE ISCH AM MORGE HAUT AUBE SCHWARZ.
NACH DEM HEIMER ÜS NERE UFE WEG GMACHT FÜR GO KAYAK Z MIETE. DA SIMERE UF DR INSLE ENTLANG GFAHRE BIS ZWÜSCHE DE ZWÖI VUUKÄN. WOMER NERE READY SI GSI, SIMER NERE ZERSCH ÖPPE 45 MINUTE DÜRE SEE PADLET U NERE INE FLUSS ABBOGE. DERT HEIMER SEHR VIU TIER GSE. VO AFFE ÜBER SCHIUKRÖT BIS ZU KAIMANE. DIE TOUR HET ÜS ÖPPE 4 STUNG BRUCHT. NERE HEIMER ÜS WIDR UFE WEG RICHTIG HEI GMACHT. DAHEI SI D KIWIJUNGS AUSO D NEUSEELÄNDER SCHO AHCHO. HEI NERE PAART BIER ZEME GNO U HEI NERE MIT HIUF VOMNE CHARTESPIU ENTSCHIDE, WELI DUSCHREIEFOU DASMR HEI. DAS HEIMER GMACHT WÜUMR GESTR NI AUI HEI CHÖNNE DUSCHE WÜUS NI GNUE WASSER HET GHA. NERE HEIMER AUI ZEME CHOCHET. HET PASTA MITERE GMÜESTOMATESAUCE U POULET GÄ. NACHDEM HEIMER DR RUM U Z KOKUSWASSER FÜRE GNO U HEI WIDER AHFA SPILE.
ETAPPE 15
INSURUNDFAHRT
HÜT AM MORGE HETS MITEM ESSE GLICH US GSE WIE GESTR. FRÜSCHI SMOOTHIES TOAST U EIER. HEI ÜS ABER NERE ZIMLECH SCHNEU UFE WEG GMACHT RICHTIG MOYOGALPA, WOMER WEI ROLLER MIETE ZUM UMD VUUKÄN Z CRUISE. HEI EICH WÔUE DR BUS NE, ABER AR BUSSTATION ISCH PLÖTZLECH E POLIZEIPICKUP AHGHAUTE WOMER NERE HEI CHÖNNE HINGER DRUF SPRINGE. HET SCHO ZIMLECH VIU LÜT DRUFF GHA. ISCH ZIMLECH WITZIG GSI. NERE WOMER SI AHCHO HEIMER DIE ROLLER GMIETET U SI LOSDÜSET. ISCH EXTREM WITZIG GSI. ÜSE ERST STOPP ISCH OJO DE AQUA GSI. DAS IS E NATÜRLECHE POOL ZMITS IM WAUD. NACH DEM SIMER WITER INE CHLINI SCHOGGIFABRIG. DIE SCHOGGI ISCH SEHR GUET GSI, CHUNNT ABER NI AD SCHWIZERSCHOGGI HERE. ANSCHLIESSEND ISCHES WIDR RUND UMD VUUKÄN ZRÜGG GANGE. ANSCHLIESSEND MITEM BUS WIDR HEI. DENN HEIMER WIDR ZEME KOCHET U HEI DR LETST ABE IM HUS GNOSSE.
D ROLLERFAHRT CHANI NUR WITEREMPFÄLE. ISCH ES SUPPER ERLEBNISS WOME O CHLI MUES UFPASSE DAS EIM VORCHUNNT DAS D TIER D STRASS BEVORZUGE. HET CHÜE, RÖSSER, HÜNG, CHATZE, SÖI U NO VIU ME UF DE STRASSE GHA.
ETAPPE 16
LETST TAG UF DR INSLE
AM MORGE HETS WIDR GLICH USGSE WIE GENG. NUR SI DIE ZWÖI HOLLÄNDERINNE SCHO FRÜE AM MORGE LOSGANGE. MIR HEIS SEHR GMÜETLECH GNO HÜT. NACHEM ESSE SIMER NERE GO PACKE U AM NAMI HEIMER ÜS NERE UFE WEG GMACHT NACH MOYOGALPA WOMER MORN MORGE FRÜE UFT FÄHRE MÜESSE FÜR DASMR DR BUS NACH SAN JOSE VRWÜTSCHE. AUSO SIMER IZ DERT IMNE HOSTEL FÜR DIE LETSTI NACHT. UF MOYOGALPE HETÜS WIDR E PICKUP MITGNO. WOMER ÜSES ZÜG DEPONIERT HEI GHA SIMER NERE NO CHLI AH SEE GO SCHWÜMME. IZE GNIESSE MR DR LETST ABE HIE NO CHLI IM HOSTEL.