ETAPPE 01
AB UF SAN JOSÈ
HÜT MORGE ISCHES FRÜECH LOSGANGE FÜR UFT FÄHRE. ISCH EHERE GSEIT ES HOUZBOOT GSI WO VOUGSTOPFT MIT PERSONE ISCH GSI. HET FASCH USGSE WIE ES FLÜCHTLINGSSCHIFF UFEM MITTUMEER. WIDR UF FESTLAND SIMER ZUR BUSHAUTESTEU GANGE WOMER UFE TIKABUS HEI GWARTET. DE BRINGT ÜS ÜBERD GRENZE NACH SAN JOSÉ. DE HETS GHEISSE ABSCHID NE VO NICARAGUA U HALLO COSTA RICA. DR GRENZÜBERTRITT ISCH SEHR MÜEHSAM GSI SO WIE MRS ERWARTET HEI. HET EXTREM VIU LÜT GHA U HEI LANG IR SUNNE DÖRFE STA. ABER AUES HET SIS ENDI U DE ISCH OH DAS VRBIGANGE. NERE ZRÜGG I BUS U CHLI GO PFUSE. NACH 5 STUNG SIMER AHCHO. IZE GITS E DUSCHI U NERE GO ESSE U INE BAR.
HÜT GEIT EBEFAUS ES ANGERS KAPITU Z END. D HANNA, EINI VODE DÜTSCHE, REIST AM MORGE AM 3 WITER UF ECUADOR. U DR DEMO AM DONSTIG. IG MUES AM SUNNTI IN TAMARINDO SI WO D SPRACHSCHUEU AHFAHT. DARUM HEISTS OH SCHO GLI ABSCHIDNE VONE NANG. ISCH CHLI TRURIG DAMRS SO GUET HEI GHA AUI ZEME. ABER SO ISCH Z LEBE BIM BACKPACKE. U GLICHZITIG FAHT JA ES NEUS KAPITU FÜR MI AH WONI MI OH SEHR DRUF FREUE.
FAZIT ZU NICARAGUA:
NICARAGUA ISCH ES WUNDERSCHÖNS LAND MIT SUPPER LÜT. HA ABSOLUT NIE IRGENDWELCHI PROBLEM SIGS MIT KRIMINALITÄT ODER SOWAS GHA. CHAS ABSOLUT NUR WITEREMFPÄHLE. ZUDEM ISCHES SEHR GÜNSTIG ZUM REISE.
MI MUES EIFACH CHLI UFPASSE DASME NI ABZOCKT WIRD. ES BISPIU ISCH, E TAXIFAHRER HET VO ÜS 100 DOLLAR FÜRE WEG VO GRANADA UF SAN JUAN DEL SUR WÖUE U E ANGERE 10 DOLLAR. NO DAS WER Z VIU. FÜRE BUS HEIMER JA NERE PAAR WENIGI DOLLAR ZAUT.
IN NICARAGUA CHAME ABSOLUT PROBLEMLOS MIT DE ÖFFENTLECHE BUSSE REISE. CHOSTET NI VIU U SI SI MEHRHEITLECH "PÜNKTLECH". DAS HEIS PLUS MINUS 15 MIN. EIFACH AD STRASS STA U WINKE WENER CHUNNT U DE HAUTET ER AH U LAD DI UF.
NICARAGUA ISCH ES SUPPER ERLEBNISS VO NATUR, PARTY U INDIANISCHER KULTUR. WASMER OH SEHR GFAUE HET ISCH, DAS DR TOURISMUS NO NISO ENTWICKLET ISCH. AMERIKA ISCH PRAKTISCH NI VRTRETTE HIE AUSO ISCHES ES SEHR AUTHENTISCHES ERLEBNISS.
ETAPPE 02
LAZYDAY IN SAN JOSÉ
HÜT SIMER WIDR FUU GSI. BI ABER FRÜE UFGSTANGE DA IG HA AM ROGER WÖUE ZUELUEGE. NERE HEIMER ÜSI WÖSCH MAU MÜESSE MACHE. ISCH LANGSAM DRINGEND WORDE.ZUMGLÜCK HEIMR DAS IM HOSTEL CHÖNNE MACHE. NACH DEM SIMER ID STADT, DA D KOLEGIN VO ALASKA SECH ES TATTOO HET WÖUE LA STÄCHE. DRSIDER BI IG U DR DEMO CHLI IM ZENTRUM VO SAN JOSE UME GLOFFE. NACH DEM ISCHES ZRÜGG IS HOSTEL GANGE. DA MR AUI CHLI MÜED SI GSI, HETS NERE ES NÜKLI FÜR AUI GÄ. WOMER WIDR SI VRWACHET SIMER UFGSTANGE U GO ZNACHTESSE. WOMER SI ZRUGG IS HOSTEL CHO HETS E FIUMABE GÄ ZERSCH MIT DR NEUE EPISODE VO GAMES OF THORNES U NERE THE PURGE.
ETAPPE 03
HÜT HEIMER USGSCHLAFE. WOMER SI UFGSTANGE SIMER GO Z ESSE IHCHOUFE. NACH DEM ISCH SCHO MITTAG GSI. SI I S NECHSTE IHCHOUFSZENTRUM NERE GO ZMITTAGESSE U SI NO CHLI DERT UMETIGERET. ES HET NERE DE AHFA REGNE. AUSO SIMER ZRÜGG IS HOSTEL U HEI E NETFLIX NAMI GMACHT. MIR HEI E ZIMLECH HEFTIGI SERIE GLUEGT WO BLACK MIRROR HEISST. CHANI NUR WITEREMPFÄHLE. NACH DEM HEIMER DE AHFA CHOCHE U AM ABE HEIMER NO E FIUM GLUEGT.
SAN JOSE ISCH IRGENDWIE ZIMLECH EREIGNISSLOS. MI CHA NI AUZUVIU MACHE I DERE STADT. BI NO BIS AM MITTWUCH HIE. DENN GEITS FÜR MI NERE AB UF SANTA TERESA AR PAZIFIKKÜSTE. DERT BINI LETST JAHR SCHO GSI. UF DAS FREUI MI SEHR. AM MITTWUCH HEISST ABER NERE OH ABSCHID NE VOM DEMO. SOMIT ISCH DIE ETAPPE FERTIG. EVENTUELL CHUNNT E DÜTSCHI KOLEGIN MIT UF SANTA TERESA ABER DAS MÜESSE MR NO LUEGE. IG GA DERT HERE WÜUS VO DERT NERE ZIMLECH GÄBIG ISCH UF TAMARINDO Z GA WONI AM SUNNTI DE MUES SI.
NOT MUCH TO DO IN THE CITY
ETAPPE 04
LAST DAY IN SAN JOSÉ
HÜT ISCH DR LETST TAG IN SAN JOSE. TROTZDEM HEIMER SEHR FUU AHGFANGE. LANG SCHLAFE U NERE CHLI UMEPLEGERE. ABER IRGENDWENN HEIMER ÜS NERE UFE WEG GMACHT ZUMNE GROSSE MÄRIT IR STADT. WOMER SI ZRUGG GANGE HEIMER ZIMLECH VIU FRÜCHT KOUFT FÜR AM ABE NERE SMOOTHIES MIT RUM Z MACHE. DIE SI OH EXTREM GUET WORDE. SPÄT IR NACHT SIMER NERE UFBROCHE U NO CHLI INE BAR. DAS ISCH ÜSE LETST GMEINSAM ABE GSI U MIR HEINE GNOSSE. FÜR MI GEIT MORN D REIS WITER.
FAZIT ZU SAN JOSE:
D STADT ISCH NIMAU SO SCHLIMM, GIT ABER NI AUZUVIU WOME HIE ODER VO HIE US CHA MACHE. VO DEM HER HANI GRUNDSÄTZLECH Z VIU ZIT HIE VRBRUCHT. HA DAS ABER JA OH NUR GMACHT DASI NO ZIT MITEM DEMO U DE ANGERE CHA VRBRINGE.
Z HOSTEL URBANO ISCH SEHR ES SUBERS U GUETS HOSTLE GSI U SEHR RUHIG. EVENTUELL ZU RUHIG. ABER DAS ISCH GSCHMACKSACH. CHLI SCHAD ISCH DASES NI DIE TYPISCHI HOSTELSTIMMIG HIE GIT. MI VRBRINGT D ZIT EHER CHLI I SIM GRÜPPELI AUSO MIT DE ANGERE ODER NEUI LÜT LEHRE KENNE. AUSO I AUEM ISCHES ABER E RECHT GUETE UFENTHAUT GSI. MORN GEITS AB UF SANTA TERESA.
ETAPPE 05
PURA VIDA IN SANTA TERESA
HÜT MORGE HETS GHEISSE ABSCHIDNE VOM DEMO U DE ANGERE. DAS ISCH Z DUMME AM REISE. ABER ÖPPIS NEUS ERWARTET MI IZ. IZE HEISSTS AB ZUM BUSTERMINAL U AB NACH SANTA TERESA. PERZUEFAU ISCH NO ÖPPER USEM HOSTEL MIT DE GLICHE ZIU, SOGAR MITEM GLICH HOSTEL. MIR HEI ZERSCH 4 STUNG NACH PUNTARENAS MÜESSE FAHRE U NERE UFD FÄHRE U NERE WIDR E STUNG MITEM BUS. WOMER SI AHCHO ISCHES SCHO DUNKU GSI. HEI ÜSES ZÜG IS HOSTEL BRACHT U SI NERE IS DÖRFLI ABE U HEI ES SEHR GUETS ARGENTINISCHES BBQ GNOSSE. DR ABE HEIMER NERE MIT ES PAAR VRDOUIGSBIER LA USKLINGE. SI GSPANNT UF DI NECHSTE TÄG.
ETAPPE 06
BEACH DAY
HÜT HEIMER ZERSCH MAU USGSCHLAFE. AM MORGE HETS EH GRÄGNET AUSO NISO SCHLIMM. NERE SIMER MAU GO Z MORGE ESSE IM DORF. NERE ISCHES AB AH STRAND GANGE. D STRÖMIG ISCH SEHR STARCH GSI U D WÄUE RISIG GSI. DEMENTSPRECHEND LUSTIG ISCHS OH GSI. AM SPETRE NAMI SIMER NERE ZUM HOSTEL ZRÜGG U CHLI IDE HÄNGEMATTENE U AM POOL UMECHILLT. SPETR ISCHES DE WIDR IS DORF GANGE FÜR GO Z ESSE. HIE ISCH ENDLECH Z LANGERSEHNTE PURA VIDA FEELING.
ETAPPE 07
HANGING ARROUND
HÜT HETS WIDR GHEISSE USSCHLAFE. Z MORGE ISCH ÜBERSPRUNGE WORDE U DE SIMER HAUT GO ZMITTAG ESSE. NERE HETS GREGNET, AUSO SIMER IM HOSTEL CHLI IDE HÄNGEMATTEBE GHANGET. SPETR ISCH Z WETTER DOCH NO BESSER WORDE. DE SIMER ABE AH STRAND. SO LANG BISMR HEI HUNGER BECHO. DE SIMER GO ZNACHTESSE U HEI NERE IM HOSTEL MIT ES PAAR BIERLI DR ABE VRBRACHT.
ETAPPE 08
QUADRIDE TO MONTEZUMA
HÜT SIMER WIDR MAU FRÜECH UFGSTANGE. SI ABE IS DORF GANGE U HEI DERT E QUAD FÜRE GANZ TAG GMIETET. Z ZIU ISCH MONTEZUMA GSI. NACHERE CHURZE IHFÜEHRIG ISCHES DE LOS GANGE. MIR SI LOSDÜSET ÜBERE MONKEYTRAIL. DAS ISCH E SEHR HÜGLIGE WÄG DÜRE DSCHUNGU WOME FLÜS DÜRQUERT U ZIMLECH VIU AFFE GSEHT. MIR HEI ZERSCH MAU AMNE SEHR SCHÖNE STRAND HAUTGMACHT. DERT SIMER ES ZITLI BLIBE. ANSCHLIESSEND SIMER WITERDÜSET. BIMNE FLUSS IR NÖCHI VO MONTEZUMA HEIMER NERE PARKT. VI DERT US ISCHES NERE Z FUESS DÜRE DSCHUNG WITER GANGE. D FLIPFLOPS HEIS NISO BRACHT, DA ME BI JEDEM SCHRIT IM MATSCH ODER IM FLUSS ISCH IHGSUNKE. DARUM SIMER DIE 40 MINUTE BARFUES DÜRE DSCHUNGU TSCHIRGET. ISCH ES SEHR GUETS GFÜEU GSI WENI EHRLECH BI. NACH 40 MINUTE ISCH Z ZIU IN SICHT GSI. E GROSSE WASSERFAU WOME CHA BADE. DERT SIMER DU NERE IS WASSER GSPRUNGE U HEIS DERT CHLI GNOSSE. SPETR ISCHES AUS WIDR ZRÜGG GANGE BARFUES. DE SIMER UFS QUAD GSTIGE U SI WITERGFAHRE NACH MONTEZUMA. DERT SIMER ZERSCH CHLI AH STRAND U ANSCHLISSEND IS DORF. IMNE RESTAURANT HEIMER DERT HAUT GMACHT U WAS GESSE. WOMER HEI WÖUE ZAHLE HEIMER GMERKT, ÖPPER HET ÜS BIM WASSERFAU Z GÄUT USEM PORTEMONNAIE GSTIBITZT. IMMERHIN ISCHES E ZIMLECH SOZIALE LANGFINGER GSI. Z HANDY, PASS, KREDITCHARTE U Z CHLIGÄUT HETR ÜS DU NO GLA. HET NUR DIE GRÖSERE NÖTLI GNO. SOMIT HANI HÜT 80 DOLLAR VRLORE. HET JA ABER SCHLIMMER CHÖNNE SI. ÜSE VRLUST HEIMER NERE ABER MITERE SEHR GUETE GLACE WIDR GUETGMACHT. DE SIMER UFS QUAD GSTIGE U WIDR AUS DÜRE DSCHUNGU ZRÜGGGFAHRE. ISCH E SUPPER TAG GSI.
SOMIT GEIT DR LETST TAG Z END, WONI MIT PERSONE WONI Z NICARAGUA HA LEHRE KENNE VRBRACHT HA. MORN, ZIMLECH GNAU IR HEUFTI VO MIRE REIS GEITS AB NACH TAMARINDO WO NERE OH SCHO GLI D SPRACH U SURFSCHUEU AHFAHT. EINERSITS ISCHES HAUT SCHO TRURIG, WIDR ABSCHIDZNE, ANGERESITS FAHT IZE DEFINITIV ES NEUS KAPITU AH. I BI GSPANNT, WAS MI ERWARTET U WERI DERT SO WIRDE LEHRE KENNE.
SANTA TERESA ISCH IMMER WIDR ES BSÜECHLI WERT. ES CHLISES GMÜETLECHS SURFER DÖRFLI IM REGGEASTIU NUR MIT SANDSTRASSE. DEMENTSPRECHEND STOUBIG ISCHES. ABER D ZIT HIE CHAME EIFACH GNIESSE.
ETAPPE 09
AB UF TAMARINDO
HÜT MORGE HETS DEFINITIV GHEISSE ABSCHIDNE. AB INES NEUS ABENTÜR. AB UF TAMARINDO. BI MITEMNE SHUTTLE DIREKT DERT HERE BRACHT WORDE. HAMI IR SPRACHSCHUEU MÜESSE AHMÄUDE U NERE HEISI MI IS STUDENTEHUS BRACHT. ISCH E GROSSI VILLA MIT POOL. BI IZE AUES TOP. BI NERE CHLI IS DÖRFLI GO UMELUEGE U ÖPPIS GO ESSE. SI HEIMI SCHO VORGWARNET, DAS DIE MEISTE WO ZURZIT HIE SI SCHWIZER SI. MAU LUEGE OBMER DAS PASST. BI NERE WIDR CHLI ZRÜGG AH POOL GONES NÜKLI NE. AM ABE BINI NERE SCHNEU MITERE SCHWIZERIN WONI AHFANG HA LEHRE KENNE ÖPPIS GO ESSE. BI ABER ZIMLECH KABUTT. DARUM FRÜECH IS BETT. MONR GEIT LOS MIT SPANISCH!
ETAPPE 10
SPANISCH SCHUEU
AM MORGE HETS E CHURZI IHFÜEHRIG GE. U AM NAMIHET NERE MI KURS RICHTIG AHGANGE. HIE SIS PRAKTISCH NUME SCHWIZER. I U E SCHWIZERIN IS DIE EINZIGE MIRE KLASS. ISCH NISO SCHLECHT, SO LEHRT ME CHLI ÖPPIS. HÜT ISCHES SO UMD BASICS GANGE. SECH VORSTEUE U FRÜCHT U GMÜES ODER AUGEMEIN ESSE BSTEUE. WO D LEKTION DE ENDLECH ISCH FERTIG GSI SIMER MIT ANGERENE VOR SCHUEU AM ABE GO BIERLI NE U GO ESSE. ISCH DU SPETR WORDE AUS DENKT. MORN MORGE GITS DR ERST SURF KURS.
ETAPPE 11
AM MORGE HÄTTI SURFUNGERRICHT GHA. HETT ABER NI KLAPPET. DIE WUCHE ISCHD HIGHTIDE AM NAMI.. AUSO DENN WE IG SCHUEU HA. AM MORGE GSEHT Z MEER RUHIGER US AUS JEDE SEE IR SCHWIZ. AUSO ZIMLECH SCHWER ZUM GO SURFE. HOFFE DASI NECHST WUCHE CHA GA. D SCHUEU SEUBER ISCH GUET. D LEHRERIN ISCH E LUSTIGI U CHA DRS SEHR GUET BIBRINGE. MIR SI NUR 2 IR KLASS AUSO MUESME MITTMACHE. ISCH ABER ZURZIT EXTREM VIU WOME MUES I SI CHOPF BIGE. ABER DAS CHUNNT MIT DR ZIT.
SCHUEU ABER KENI WÄUE..
ETAPPE 12
SCHUEU
MOMENTAN ISCH HAUT JEDE TAG CHLLI Z GLICHE. VRMISSE LANGSAM Z REISE. ABER SCHO GLI ISCH WUCHENEND U DE GANGI SCHNEU CHLI WEGG. D SPANISCHLEKTIONE SI AHSTRENGEND, DAS SEHR VIU STOFF UFS MAU ISCH. U ES SI 4 STUNG OHNI POUSE. WES AM NAMI NO HEISS ISCH DE ISCHES EXTREM AHSTRENGEND. ABER JA MI LERT OH VIU.
ETAPPE 13
WUCHENÄND
WONI BI UFGSTANGE HANI MAU MIS GWUCHER AM CHINI MÜESSE GO STUTZE. NERE ISCHES DE SCHO LOS GANGE MIT SPANISCH. NACHEM UNGERRICHT HET DR REIS AHGFANGE. FÜR MI HEISSTS AB UF LA FORTUNA BIS AM SUNNTI. AM 10NI AM ABE BINI DU DE AHCHO. ISCH ES SUPPER HOSTEL HIE. D KOLLEGE U D KOLEGIN WARTE SCHO UF MI.
ETAPPE 14
RIVERRAFTING
AM MORGE AM 8TI ISCHS LOSGANGE. MIR SI ZUMNE FLUSS BRACHT WORDE. DERT HEIMER SCHWÜMMWESTE BECHO U E HEUM. NERE SIMER IS RAFTINGBOOT GSTIGE U LOSGANGE. ISCH E SEHR E WIUDE FLUSS GSI. AUI SI MEHRERI MAU USEM BOOT GHEIT. VORAUEM HETS ÜS MEHRERI MAU Z BOOT DREIT. HET ABER OH RUIHIGI STEUE GE, WOMER IS WASSER SI GUMPET U ÜS DÜRE JUNGU HEI CHÖNNE LA TRIBE. BIRE POUSE HEIMER SEHR VIU FRÜCHT UFGSCHNITTE U DIE VRZERRT. NERE ISCHES WITER GANGE. DERT SIMER SOGAR E WASSERFAU ABE. DERT HETS ÜS Z BOOT OH GCHERT. NERE HEIMER NO CHÖNNE ÜS DÜRD STROMSCHNEUE LA TRIBE. DERT HANI ÖPPE DR HAUB FLUSS VRSCHLÜCKT. NERE ISCH D TOUR DE FERTIG GSI. DE HEIMER ES BIER BECHO U CASADO. DAS ISCH ES COSTARICANISCHES GRICHT MIT RIS U BOHNE, GMÜES U POULET. ANSCHLIESSEND SIMER WIDR IS HOSTEL BRACHT WORDE WOMERS HEI CHILLT DR NAMITAG. AM ABE SIMER NO GO ESSE U HEI DR ABE AM POOL AUI ZEME LA VRBIGA.
ISCH E SUPPER WITZIGE TAG GSI IT EXTREM WIZIGE ERLEBNISS U BIUDER.
ETAPPE 15
HOT SPRINGS
HÜT HEIMER USGSCHLAFE U SI NERE IM DORF GO ZMITTAG ESSE. NACH DEM HEIMER ES TAXI GNO IH NACHBARORT. DERT HETS HOT SPRINGS. ISCH E 37GRAD WARME FLUSS MIT POOLS. DERT HEIMER DR GANZ NAMI VRBRACHT U ENTSPANNT. NACH PAAR STUNG IM WARME WASSER ISCHES NERE WIDR ZRÜGG GANGE. AM ABE SIMER NERE INES RESTAURAT GO ESSE U HEI DERT DR LETST ABE GNOSSE. MORN GEITS ZRÜGG UF TAMARINDO. U D KOLEGIN U DI PAAR KOLEGE FLÜGE AM MÄNDI HEI VO SAN JOSE US. SOMIT WIRD IZE OH Z LETSTE GRUPPEMITGLID VO ÜSEM NICARAGUA UFENHAUT Z LAND VRLA. IG HOFFE IG WIRDE WITERHIN SETTIGI LÜT LEHRE KENNE. IG BI GSPANNT.
ETAPPE 16
ZRÜGG UF TAMARINDO
AM MORGE HETS DEFINITIV GHEISSE ABSCHID NE. FÜR MI GEITS WIDR ZRÜGG UF TAMARINDO. FÜR DIE ANGERE UF SAN JOSE. DERT VRBRINGE SI IHRE LETST ABE IN COSTA RICA.
NACH 5 STUNG BINI DE Z TAMARINDO AHCHO U EIFACH CHLI IR HÄNGEMATTE GLEGE. AM ABE BINI NO VOREM GWITTER GO Z ESSE HOLE. NERE ISCHES LOSGANGE. ISCH ZIMLECH ES HEFTIGS GWITTER GSI. HEI PLÖTZLECH KE STROM MEGHA. ABER MIR HEIS ÜBERLEBT. JEDOCH ISCH Z DORF ZITEWIS UNGERWASSER GSTANGE.
ETAPPE 17
SURFEN
HÜT HANI DI ERSTI SURFLEKTION GHA. NACH ÖPPE 3 MAU HANI SCHO UFEM BRETT CHÖNNE STA. HET EXTREM SPASS GMACHT VODE WÄUENE TRAGE Z WERDE. HOFFE MORN GÖMER CHLI WITER USE ZUDE GRÖSSERE.
AM NAMI HEIMER NERE WIDR SPANNISCH GHA. DAS ISCH ZINLECH AHSTRENGENDD WORDE, U I HAMI AM SCHLUSS EIFACH NÜMME CHÖNNE KONZENTRIERE. ABER AUS HET SIS ENDI. MIR SI NERE NO ES PAAR BIER GO NE U ÖPPIS GO ESSE U NERE DE HEIZUE.
ETAPPE 18
1. AUGUST
HAPPY BIRTHDAY SWITZERLAND. MIR HEI DE TAG IHGWEIT MITERE GUETE RUNDI SURFE. ISCHZIMLECH GUET GANGE U D WÄUE SI GROSS GSI. DEMENSPRECHEND KABUTT SIMER AM MITTAG OH GSI. D SPANISCHSCHUEU AM NAMITAG HET NERE KES ÄNDI WÖUE NE. NACH DR SCHUEU SIMER NERE ID HAPPYHOUR GANGE GO BIER TRINKE AM STRAND. ANSCHLIESSEND GO ESSE U GO WITERTRINKE. ISCH E GUETE ABE GSI.
ETAPPE 19
SURFEN
M MORGE SIMER EIFACH GO ES BRETT HOLE U SI SEUBER CHLI USE PADLET. ISCH ZIMLECH GUET GANGE. NERE AM NAMI HET WIDR NORMALE UNGERRICHT GE. Z ZWÖITLETSTE MAU ZUMGLÜCK. HA LANGSAM GNUE VO TAMARINDO. ISCH NISO NES GUETS STÄDLI.. ZU ÜBERTÜRT, ZU VIU TURISTE. AM ABE HETS ES SONDERKOMMANDO VODR POLIZEI Z NACHBARHUS GSTÜRMT. ISCH NO SO STRANGE GSI.
ETAPPE 20
LETST SCHUEUTAG
HÜT MORGE SIMER NOMAU GO SURFE. D WÄUE SI ABER SEHR SEHR CHLI GSI. AM NAMI HEIMER NOMAU SCHUEU GHA. ISCH ZIMLECH GUET GANGE. IZE HANI ES DIPLOM BECHO. AM ABE SIMER NERE AUI ZEME GO ESSE U NERE GO TRINKE. SEHRVIU GO TRINKE.
MORN GEITS MITEM OUTO AB UF MANUEL ANTONIO.
FAZIT ZUR SCHUEU:
ISCH NI SCHLECHT GSI, ABER SO NACHEM REISE ISCHES NO HERT, 2 WUCHE AMNE ORT Z VRBRINGE. GAD VORAUEM Z TAMARINDO. TAMARINDO HETMR NISO SEHR GFAUE.
ETAPPE 21
MANUEL ANTONIO
AM MORGE SIMER IS OUTO GSTIGE U AB GFAHRE. AB UF MANUEL ANTONIO. UNGERWEGS SIMER ÜBERNE BRÜGG GFAHRE, WOS DRUNGR NUR SO VO KROKODIU GWIMMLET HET. HET ZIMLECH GUET USGSE. WOMER ENDLECH SI AHCHO NACH 5 STUNG, HEIMER DR NAMI CHLI AM POOL VRBRACHT U PAAR BIERLI GNO. SPETR SIMER NERE NEBE DRANNE GO ESSE U WIDR ZRÜGG IS HOSTEL. IM HOSTEL ISCH NERE E GROSSI TECHNOPARTY GSI. ISCH EXTREM WITZIG WORDE. MIR HEI ZIMLECH VIU TRUNKE. DEMENSPRECHEND HET OH D RÄCHNIG USGSE. IWENN HÜT AM MORGE SIMER DE NO E NIGHTSWIM GO MACHE.
ETAPPE 22
UMEHANGE
HÜT HEIMER USGSCHLAFE. SI CHLI VRKATHERET GSI. ZMORGE GESSE U NERE SI D KOLEGE I PARK ABE GANGE. DR KOLEG HET E DRONE DRBI GHA U HET SEHR GEILI BIUDER GMACHT. I BI IM HOSTEL BLIBE. SPETR AM NAMI ISCH D KOLEGIN DE OH IM HOSTEL AHCHO. HET ZIMLECH VIU GREGNET. AM ABE SIMER NERE GO ZNACHTESSE U NERE WIDR ZRÜGG IS HOSTEL. DERT ISCH WIDR E PARTY GSI. HEIMER CHLI TRUNKE U I BI NERE NI AUZU SPÄT IS BETT. MORN GÖ DIE MEISTE, WÜUSI WIDR ID SCHUEU MÜESSE. I BLIBE NO BIS AM MÄNDI U NERE GANI UF PUERTO VIEJO ÜBERE.
ETAPPE 23
NATIONAL PARK
HÜTBINI MIT DR KOLEGIN I NATIONAUPARK GANGE. AM MORGE HEIME ABSCHID GNO VO DEANGERE WO ZRÜGG ID SCHUEU HEI MÜESSE ODER SI WITER GREIST. IM NATIONAUPARK HEIMER PAAR FUUTIER U VIU AFFE GSE. HEI E ZIMLECH GUETE TAG VRWÜTSCHT MIT EM WETTER. AM ENDI VOM PARK SIMER AM NE STRAND CHLI GO LIGE U HEIS DERT GNOSSE. SPETR SIMER ZRÜG GANGE U HEI CHLI GSCHOPPET IM DÖRFLI. NERE SIMER ZRÜGG IS HOSTEL GANGE U AB I POOL. AM ABE SIMER GO ZNACHT ESSE, U SI NERE NO IM HOSTEL PAAR BIERLI GO NE. NERE ISCHES DU MAU CHLI FRÜECHER IS BETT GANGE, DA MR MORN FRÜE UFMÜESSE. FÜR MI GEIT D REIS WITER. TSCHÜSS PAZIFIK, HALLO KARIBIK. AB UF PUERTO VIEJO!
ETAPPE 24
AB UF PUERTO VIEJO
HÜT HANI VRSUECHT USZPFUSE, ISCH ABER NISO GUET GANGE. D NÄCHT HIE SI EXTRMEM WARM. NERE WONI BI UFGSTANGE BINI INES VEGANERVEIZLI GO ES SEHR GUETS ZMORGE ESSE. NERE BINI BIS NACHEM MITTAG IM HOSTEL BLIBE U CHLI UMEGHANGET. AM NAMI BINI NERE CHLI AH STRAND GO LIGE. ZIMLECH SCHÖNE STRAND MIT SEHR HÖCHE WÄUE. NACH DEM BINI PAAR BIERLI IRE BAR GO NE. NACH 4 BIER ISCHES WIDR ZRÜGG IS HOSTEL GANGE. DERT HANIS MIT DE ANGERE CHLI CHILLT, BIS IG HUNGER BECHO HA U ÖPPIS BI GO ESSE. NERE ISCHES DE SCHO FASCH ZIT GSI FÜR GO Z SCHLAFE. MUES MORN FRÜE UF. ES HEISST UME EINISCH RAFTE! FREUE MI.
ETAPPE 25
PURA VIDA
HÜT HANI VRSUECHT USZPFUSE, ISCH ABER NISO GUET GANGE. D NÄCHT HIE SI EXTRMEM WARM. NERE WONI BI UFGSTANGE BINI INES VEGANERVEIZLI GO ES SEHR GUETS ZMORGE ESSE. NERE BINI BIS NACHEM MITTAG IM HOSTEL BLIBE U CHLI UMEGHANGET. AM NAMI BINI NERE CHLI AH STRAND GO LIGE. ZIMLECH SCHÖNE STRAND MIT SEHR HÖCHE WÄUE. NACH DEM BINI PAAR BIERLI IRE BAR GO NE. NACH 4 BIER ISCHES WIDR ZRÜGG IS HOSTEL GANGE. DERT HANIS MIT DE ANGERE CHLI CHILLT, BIS IG HUNGER BECHO HA U ÖPPIS BI GO ESSE. NERE ISCHES DE SCHO FASCH ZIT GSI FÜR GO Z SCHLAFE. MUES MORN FRÜE UF. ES HEISST UME EINISCH RAFTE! FREUE MI.
ETAPPE 26
RAFTING IN PUERTO VIEJO
HÜT ISCHES AM 5I LOS GANGE. AB ZUMNE GROSSE FLUSS HIE IR NÖCHI. BIM FLUSS HETS ZERSCH NO ZMORGE GÄ. NERE SIMER ID BÄRGE GFAHRE U LOSGRAFTET. ISCH DÜR VRSCHIDNIGI SCHLÜCHT U DÜRE TÖIF DSCHUNGU GANGE. ISCHE WUNDERSCHÖNI TOUR GSI. NISO ACTIONGLADE WIE DIE ANGERI, ABER UMSO SCHÖNER ISCH Z WÄCHSUBAD ZWÜSCHE URWAUD U SCHLUCHT GSI.
ETAPPE 27
HANGING ARROUND
HÜT BINI UFGSANGE, U GAD IR HÄNGEMATTE WIDR ABGLEGE U WITERGSCHLAFE. SPETR BINI GO ZMORGE ESSE, U WIDR ZRÜGG ID HÄNGEMATTE. GEGE NAMI BINI NERE CHLI AH STRAND. AM ABE HANI DE MÜESSE PACKE U NERE MORN GEITS AB UF BOCAS DEL TORRO.